„ნიუ ჰოსპიტალსის“ ოფთალმოლოგიის ეროვნულ ცენტრს რომ მკურნალობის 134–წლიანი გამოცდილება გააჩნია და ლიდერია თვალის დაავადებების დიაგნოსტიკის, პრევენციის და მკურნალობის დარგში, – ბევრისთვის სიახლე არ არის.
ოფთალმოლოგია მოითხოვს ხარისხიან, უზუსტეს აპარატურას, როცა საქმე თვალს ეხება, ერთმილიმეტრიანი ცდომილებაც კი შესაძლოა საბედისწერო აღმოჩნდეს.
„ნიუ ჰოსპიტალსის“ კლინიკა ერთადერთია ამიერკავკასიაში, რომელიც აღიარებულია კარლ ცაისისა და გერმანიის ეკონომიკური განვითარების საბჭოს მიერ, ამიერკავკასიის რეგიონალურ რეფრაქციული ქირურგის ცენტრად.
სანამ ოთალმოქირურგთა გუნდი ოპერაციას დაგეგმავს, მათ შორის იმასაც, რომელი მეთოდით ჩატარდეს ქირურგიული მკურნალობა, მუშაობას იწყებს ოფთალმოლოგთა გუნდი, რათა წინასაოპერაციო კვლევებით ზუსტად განისაზღვროს, რომელი აპარატურით სჯობს მუშაობა და როგორი გზა იქნება ოპტიმალური.
ნინო ტყემალაძე, რომელიც უკვე 7 წელია მუშაობს ნიუ ჰოსპიტალსში, გვიყვება, რომ თამაედროვე მედიცინაში, პაციენტი კი არ უნდა მოერგოს აპარატურას, არამედ, პირიქით, აპარატურა პაციენტს.
ნინო ტყემალაძე საქართველოს ოფთალმოლოგთა საზოგადოების წევრია, ასევე Zeiss –ის და Schwind –ის სერტიფიცირებული ოფთალმოლოგი. იგი საქართველოს უნივერსიტეტის მოწვეული ლექტრორია პარალელურად, თვალის ანატომიისა და სნეულებათა მიმართულებით.
– რას მოიცავს მხედველობის ლაზერულ კორექციამდე ჩატარებული წინასაოპერაციო კვლევები და რატომ არის ეს ეტაპი აუცილებელი?
– წინასაოპერაციო კველევბი პირობითად შეგვიძლია დავყოთ მოსამზადებელ პერიოდად – რაც გულისხმობს კონტაქტური ლინზების ტარების შემთხვევაში (ორი ან მეტი კვირით) თვალის სიმშრალის პრობლემის მოგვარება და დაახლოებითი რეფრაქციული მანკის განსაზღვრა ლაზერულ კორექციასთან შესაბამისობაში.
ამის შემდეგ იგეგმება ძირითადი კვლევა – რქოვანის ტომოგრაფია, რომელიც პირველი „საშვია“ ლაზერულ კორექციაზე.
ტომოგრაფიით ხდება რქოვანის სისქის, ფორმის და ინდივიდუალური თავისებურების შეფასება, რითაც განისაზღვრება ლაზერული კორექციის უსაფრთხოება, კონკრეტული პაციენტისთვის ზუსტი და საუკეთესო კორექცია. ასევე რეფრაქციული მანკისა და პაციენტის რქოვანის მონაცემების მიხედვით ხდება ლაზერული ჩარევის იმ მოდელის არჩევა, რომლითაც მივიღებთ მაქსიმალურ შედეგს მინიმალური ინვაზიით.
საბოლოო ეტაპი უკვე უშუალოდ წინასაოპერაციო კვლევაა რომლითაც ხდება ინდივიდუალური საოპერაციო გეგმის შედგენაა.
– ხშირია შემთხვევები, როცა კვლევების შედეგად იცვლება გადაწყვეტილება ოპერაციის ჩატარებაზე?
– ჩვენს კლინიკაში პირველადი შეფასება იმდენად სტანდარტიზირებული გვაქვს, რომ უმრავლეს შემთხვევაში წინასაოპერაციო კვლევებით არ ხდება დაგეგმილი მიმართულების შეცვლა, თუმცა, რა თქმა უნდა გვაქვს შემთხვევები როდესაც კვლევების საფუძველზე და ქირურგის ჩართულობით ვცვლით ჩარევის ტიპს პაციენტების სურვილის, ცხოვრების სტილისა და ინტერესების გათვალისწინებით, თანაც ისე, რომ ეს არ ცვლის მისაღებ შედეგს.
– რა რისკებს ვიცილებთ თავიდან სწორად ჩატარებული წინასაოპერაციო კვლევებით?
– პირველი და მნიშვნელოვანია – არ ვავნოთ პაციენტს და არ დადგეს რისკის ქვეშ ჯანმრთელი რქოვანა. ასევე ამ, კვლევების მიზანია, ყველაზე არასასურველი გართულების- ექტაზიის ალბათობა მინიმუმადე დავიყვანოთ.
– მოგვიყევით „ნიუ ჰოსპიტალსის“ გამოცდილებას და ტექნოლოგიურ რესურსზე მხედველობის ლაზერული კორექციის მიმართულებით.
– ჩვენს კლინიკას ამ მიმართულებით იმდენი წლის გამოცდილება დაუგრივდა რომ პირველად ვიზიტზე პაციენტის გადარჩევა ძირითად შემთხვევაში მარტივად ხდება. ადამიანის ინტელექტუალურ რესურსთან ერთად გვაქვს შესაძლებლობა პაციენტების შეფასება მოვახდინოთ რამდენიმე სახის ტომოგრაფიით, რომლებიც სხვადასხვა ინფორმაციას გვაძლევენ და ერთი მეორეს ავსებს. ეს ყველაფერი კი ოპერაციის შედეგის სტაბილურობის გარანტი ხდება. ხოლო ლაზერული აპარატების მრავალფეროვნებით კი კიდევ უფრო მეტ ადამიანს ცხოვრების ხარისხის გაუმჯობესებაში ვეხმარებით, რადგან ნიუჰოსპიტალსში შეგვიძლია აპარატის შესაძლებლობები მოვარგოთ პაციენტის საჭიროებას და არა პირიქით პაციენტი მოვარგოთ აპარატის შესაძლებლობებს.
(R)
კომენტარები