„რესპუბლიკური პარტიის“ ერთ-ერთი ლიდერი ლევან ბერძენიშვილი საქართველოს კათოლიკოს-პატრიარქს საბჭოთა უშიშროების აგენტად მოიხსენიებს და ირწმუნება, რომ ილია II-მ ეს ფაქტი სინოდის სხდომაზეც აღიარა.
ბერძენიშვილი 1989 წლის 9 აპრილს განვითარებულ მოვლენებს იხსენებს და ამბობს, რომ აქციის დარბევამდე პატრიარქი რუსთაველიდან გაიქცა და ხალხს უღალატა.
„მოგვიწოდა, დავიშალოთ და ვილოცოთო. პატრიარქი განათლებული ადამიანია, ჩახედული, მაღალი რანგის ინტელექტუალია ნამდვილად. მან ძაან მშვენივრად იცოდა, სად იყო მოსული. მისი ავტორიტეტი მაგ მომენტში არ იყო ისეთი მაღალი, როგორც გასულ, ბოლო წლებში. მან თქვა – ვიცი მოვლენ და ცუდი ამბები მოხდებაო. მაშინ შეურაცხყოფა მიაყენეს იმით, რომ ირაკლი წერეთელმა მიკროფონი გამოსტაცა და თავად დაიწყო „მამაო ჩვენო“-ს წაკითხვა. ამის მერე პატრიარქი წავიდა. მე ჩავთვალე, რომ მან უბრალოდ გვიღალატა. პატრიარქი რომ ხარ, დადექი ხალხთან ერთად და იდექი ბოლომდე! პატრიარქი გაიქცა. მისი ადგილი იქ არც იყო, რადგან ის არ გულშემატკივრობდა საქართველოს დამოუკიდებლობას. ზვიადმა გამოუქვეყნდა მასალა, რომ იგი იყო უშიშროების აგენტი და პატრიარქმა სინოდზეც აღიარა, რომ – დიახ, ვიყავი, იმიტომ რომ ეკლესიას ასე სჭირდებოდაო.
იმ მომენტში, როცა შენი ხალხი დგას და მოდის უცხო, რომელმაც ესენი უნდა დახოცოს, იქიდან წასვლა, როგორ შეიძლებოდა. ეგ რომ გარბოდა, ხალხი პირიქით, აქციაზე მორბოდა“
კომენტარები