“პარტიის ლიდერებმა მაინც…” – ვის მოუწოდებს ზურაბიშვილი, სააკაშვილს, თუ ივანიშვილს?

საქართველოს პრეზიდენტი, სალომე ზურაბიშვილი, სოციალურ ქსელით პარტიების ლიდერებს მოუწოდებს, აჩვენონ მხარდაჭერებს, რომ განსაცდელში უკან არ იხევენ – რომელ ლიდერს გულისხმობს პრეზიდენტი – ენმ-ის ლიდერს – მიხეილ სააკაშვილს, “ოცნების” ლიდერ – ივანიშვილს, თუ “ლეიბორისტების” ლიდერ ნათელაშვილს – არ აკონკრეტებს.

საინტერესო კი იქნებოდა გაგვეგო – სააკაშვილს სთხოვს პრეზიდენტი დახმარებას, თუ ივანიშვილს მოუწოდებს?

ისე, რა კარგად თქვა – პარტიის ლიდერებმა მაინცო, მაინცო… ანუ, პარტიის წევრებო, თქვენ არაფერს აკეთებთო და…

გესმით, კობახიძე, მდინარაძე, კალაძე? ბატონი ვოლსკი არ დამიტოვოთ…

კარგი იქნებოდა, ქალბატონი სალომეც რომელიმე პარტიის ლიდერი ყოფილიყო.

სალომე ზურაბიშვილი:

“ყველას ალტერნატიული სტრატეგია გააჩნია, უამრავი განსხვავებული მოსაზრება ისმის… მაგრამ ამ ბრძოლაში მხოლოდ ერთი ჭეშმარიტება არსებობს: რომ ერთიანი უნდა ვიყოთ, ერთობლივი ძალისხმევა, მიზანდასახულობა უნდა გვამოძრავებდეს….
ეს კარგი გამოწვევაა და თუ პარტიებმა არა, პარტიების ლიდერებმა მაინც აჩვენონ თავიანთ მხარდამჭერეებს, რომ სახელმწიფო როცა განსაცდელშია უკან არ იხევენ.”