“ოცნება” გახდა გოიმობა… ყოფილან გაცეცხლებულები შევარდნაძეზე, სააკაშვილზეც, მაგრამ…” – გვარამია

ფოტო – მთავარი არხი

ნიკა გვარამიამ სააპელაციო სასამართლოში სიტყვით გამოსვლისას, თქვა:

“ჩვენ რასაც ახლა ვუყურებთ, საქართველოს ხელისუფლება არის დეგრადაციის ბოლო საფეხურზე. დეგრადაციის ბოლო საფეხური არ არის, როდესაც სძულხარ, დეგრადაციის ბოლო საფეხური არ არის როცა ეზიზღებით, დეგრადაციის ბოლო საფეხური არის, როცა დაგცინიან. როცა მოდური ხდება შენი ქილიკი და დაცინვა. მაგიური ქართული სიტყვაა გოიმობა, მე საერთოდ არ მიყვარს ეს სიტყვა, მაგრამ მაგიური სიტყვაა, ცოტა სნობი ქართველებისთვის – ქართული ოცნება გახდა გოიმობა. მისი დაცინვა არის ტრენდი და აქ მთავრდება ყოველთვის, ყველა ხელისუფლება. საერთაშორისო აქტორების მიერაც – ასეთი არც ერთ ხელისუფლებას არ მოსვლია, ყოფილან გაბრაზებულები, გაცეცხლებულები, შევარდნაძეზე, სააკაშვილზეც, ყველაზეც, მაგრამ დამცინავი, საჯაროდ, პირდაპირ, არასოდეს არ ყოფილა, საერთაშორისო აქტორები ღიად ამბობენ უკვე, თქვენ წერილებსაც არ ვკითხულობთ, თქვენ ნათქვამსაც არ ვუსმენთ, საერთოდ არ მიგვაჩნიხართ არაფრად, იმიტომ რომ ეს არ არის პოლიტიკა და ეს ასეა ნამდვილად.”