“ორიენტაციაარეული, გზასაცდენილი კაცი” – კობახიძე მარტის აქციის დაკავებულ მონაწილეზე

მარტის აქციების მონაწილე ახალგაზრდის დაკავებას ქართული ოცნების ლიდერი, ირაკლი კობახიძე ეხმაურება და ამბობს:

“მას ჩანს, რომ ყველანაირი ორიენტაცია აქვს არეული და ასეთი ადამიანები ძალადობდნენ პოლიციელების წინააღმდეგ, ამას სჭირდება სათანადო შეფასება. თავისთავად ის, რომ ეს პირი, ეს ახალგაზრდა კაცი, გზასაცდენილი კაცი არის დაკავშირებული ბოლშევიკურ ტროიკასთან, ვაშაძე-ჯაფარიძე-ხოშტარიას ერთობასთან, ესეც მიუთითებს რაზე, რომ ამ პირს ამოძრავებდა კონკრეტული სუბიექტური ინტერესი. როგორც მოგეხსენებათ, ეს ბოლშევიკური ტროიკა არის უცხოელი აგენტების ერთობლიობა და ეს პირი მოქმედებდა კონკრეტული ინტერესით, რომ მათი დაფინანსება არ ყოფილიყო გამჭვირვალე. აქედან გამომდინარე, ასეთი ორიენტაციაარეული ადამიანების ქმედებები უნდა იყოს სათანადოდ შეფასებული როგორც სამართლებრივად, ასევე საზოგადოების მიერ.”

დაკავებულ ბიჭს არ ვიცნობ, არც “დროას” წევრია, მაგრამ ყველანაირად დავიცავთ – ხოშტარია ლაზარე გრიგორიადისზე