“ორი კლასის განათლება არა აქვს მდინარაძეს, პირდაპირ გეუბნებით” – მამუკა ხაზარაძე

“ლელოს” ლიდერი, მამუკა ხაზარაძე, “ტვ პირველთან” ამბობს:

“ჩვენ ბიძინა ივანიშვილივით ბიზნესები ქვეყნის გარეთ არა გვაქვს, არც ორი პასპორტი გვიდევს ჯიბეში და არც არასოდეს გვიფიქრია ამ ქვეყნიდან გაქცევა. ეს არ არის ბრძოლა მამუკა ხაზარაძის და ბადრი ჯაფარიძის რაღაცისთვის, ეს არის ბრძოლა ჩვენი ხალხისთვის, ჩვენი შვილებისთვის.

21-ე საუკუნეში ქართველი ხალხი არ უნდა ცხოვრობდეს ასეთ გაჭირვებაში. ამ ბრძოლას ვუძღვნი ჩემ ოჯახს, ჩემ შვილებს, მეგობრებს. დღეს რაც ხდება, ეს არის შეშინებული ბიძინა ივანიშვილი, შეშინებული დეპუტაციით, ბადრის ბოლო წუთამდე არ სჯეროდა, ბადრი ისეთივე წესიერებით უყურებს სხვას, როგორიც თავად არის, ამიტომ უყვარს ბადრი ბევრ ადამიანს და ეს გამოჩნდა საზოგადოების მხრადაჭერაში. ქართულ ოცნებაში, რომელიც პარლამენტშია 10 ადამიანს ვიცნობ დიდი ხანია, მათ შორის, რამოდენიმეს ძალიან კარგად. გამაოცა ამ ადამიანების დუმილმა, გადაწყვეტილებამ. ერთი მაინც მოსულიყო და ეკითხა, რა ხდება ჩვენ თავს?

ესენი ხომ მუდმივად არ იქნებიან, მდინარაძე რომ არ იქნება ამ ქვეყნის ჭკუის მასწავლებელი, ხომ ცხადია? აზრზე არ არის, ელემენტარული იურისპოდენციის, რაც უნდა რომ გაყიდოს, ეს არის ტყუილი, კანონის ფეხქვეშ გაგდება. დეპუტატები რომ გამოდიან და ადამიანები უსმენენ, ვიღაცას ჭკვიანი ჰქონია და მე გეუბნებით, 2 კლასის განათლება არა აქვს მდინარაძეს, პირდაპირ გეუბნებით. არ გვაქვს ნასამართლეობა არც მე და არც ბადრი ჯაფარიძეს. რის საფუძველზე უწყვიტავ უფლებამოსილებას.”