“ნუ დაემსგავსებით კალაძეს” – მერაბ მეტრეველი

ჟურნალისტი, მერაბ მეტრეველი:

ძალიან საინტერესოა, როგორ მივედით იქამდე, რომ საკმაოდ აზრიანი ხალხი კამათის დროს ასეთ არგუმენტს იყენებს:

– რუსი ქალი ქალი არ არის…. ქალის ცემა არ შეიძლება, მაგრამ რუსი ყველაფრის ღირსია და ა. შ.

რუსები რომ გულზე არ მეხატება და არაფერს რუსულს არ ვეკარები, კარგად იცით, მაგრამ მაგ მსჯელობიდან ფაშიზმამდე ერთი ნაბიჯია, მეგობერებო.

სწორედ მაგ არგუმენტებით მომხდარა ყველა ეთნიკური წმენდა და მასობრივი მკვლელობები, რომ მტერში ადამიანი არ უნდა დიანახო და გძულოდეს არამხოლოდ ის, ვინც ტყვიას გესვრის, არამედ ყველა მის მოდგმაში.

ამ ლოვიკით მართლდება მერე ქალების და ბავშვების ხოცვა.

მაგალითად, მაგ არგუმენტით ხელმძღვანელობდნენ აფხაზები, როდესაც ქართულ მშვიდობიან მოსახლეობას ხოცავდნენ, რომ ქართველი ადამიანი კი არა, მტერი იყო და შეგეძლო მისი ქალისთვის და ბავშვისთვის ყველაფერი გაგეკეთებინა.

ნუ დაემსგავსებით ამ ხალხს სიძულვილი ადამიანურ საწყისებს ნუ დაგაკარგვინებთ.

ბოლოს და ბოლოს ნუ დაემსგავსებით კალაძეს, რომელმაც, როდესაც აქციებში მონაწილე ქალების ცემაზე კითხეს თქვა: ეგენი ქალები არ არიანო.