ექსპერტი დავით ქართველიშვილი :
“დღეს საქართველოს მთავრობამ დაამტკიცა დადგენილების პროექტი „საქართველოს განვითარების სტრატეგია-ხედვა 2030“ – პირველი გრძელვადიანი პოლიტიკის დოკუმენტი, რომელიც მთავრობის ერთიან ხედვას წარმოადგენს და მდგრადი განვითარების ყველა ძირითად პრიორიტეტულ მიმართულებას აერთიანებს. დოკუმენტი მოიცავს თითოეულ სექტორში არსებული სიტუაციის ანალიზს და ახდენს პრობლემების, მათი გამომწვევი ფაქტორებისა და პრობლემათა უარყოფითი შედეგების იდენტიფიცირებას. ასევე, დოკუმენტი განსაზღვრავს ამ პრობლემათა გადასაჭრელად შემუშავებულ მიზნებსა და ამოცანებს.
გაეცნო რა აღნიშნულ სტრატეგიას, მისი მიღწევის გზებს და ვერ ამოიცნო რა, ამ სტრატეგიაში საკუთარი თავი და სექტის მომავალი თავის ბელადითურთ – ნიკანორ მელიამ მერამდენედ მიმართა ნაცად ხერხს და მოუწოდა ოპოზიციურ სპექტრს, კიდევ ერთხელ მოემზადოს ვადამდელი არჩევნების ჩატარებისკენ. ოღონდ ისე არა, როგორც ამისთვის ბოლო ათი წელია ემზადებოდნენ – “აი-ძაან-ძაან” რეჟიმში მოემზადონ. ამ შეძახილს არ აზიარებს ქვეყნის ოპოზიციური სპექტრის ტოტალური უმრავლესობა, ასე რომ მელიას შეძახილი იმ ხეს თუ გაახმობს, რომლის ტოტზეცაა მოკალათებული და რომელსაც ასეთ გაშმაგებულ ექსტაზში ხერხავს…”
კომენტარები