პარტია „მოქალაქეების“ ლიდერმა ალეკო ელისაშვილმა „პალიტრანიუსის“ გადაცემა „360 გრადუსში“ განაცხადა:
„სადღაც შევხვდებით მე და ნიკა მელია რა თქმა უნდა, მაგრამ ეს შეხვედრა იქნება საჯარო. სად და რანაირად შევხვდები, ამას ყველა დაინახავთ. ანგარიშები მაქვს მასთან და აუცილებლად გავარკვევ. ბატონ მელიას და მის გაბანძებულ პარტიას ჩემთან დაკავშირებით რასაც ლაპარაკობდა ყველა სიტყვაზე პასუხისგება მოუწევს. კაცს რომ ნაგვის ყუთი ჩამოამხეს თავზე ხომ გახსოვთ?! – რატომ შეხვედი აჭარის უზენაეს საბჭოშიო. ჩვენ სამი თვე რომ გვლანძღავდნენ, გვწყევლიდნენ და გვკრულავდნენ, პარლამენტში რატომ შეხვედითო და თვითონ არ შემოდიან? ნელ-ნელა რომ იპარებიან? ხომ არიან ღირსები ის ნაგვის ყუთები თავზე დავამხოთ. ღირსები არიან, ნამდვილად ღირსები არიან, იმიტომ რომ „ნაციონალურმა მოძრაობამ“ თავი გაიბანძა.
სხვას რაზეც ლანძღავდნენ, თვითონაც იგივეს აკეთებდნენ. ერთი სული აქვთ „ნაციონალურ მოძრაობაში“ როდის შემოვლენ პარლამენტში, 99%-ს უნდა შემოსვლა, რამდენიმეა, ვისაც არ უნდა შემოსვლა. მე და ლევანს ვერ გაგვიბედეს, იმ წესიერ კაცს დაახურეს ნაგვის ყუთი თავზე. სანაგვისყუთე საქცილეს თვითონ არ ჩადიან? ცოტა წინ ხომ უნდა გაიხედო?!
რაც შეეხება არჩევნებს, პოლიტიკოსს თავისი შეცდომის აღიარება უნდა შეეძლოს. ყველაზე ადრე მივხვდით, რომ არ გაყალბებულა იმ მასშტაბით, როგორც იქამდე გვეგონა. ვერ ამტკიცებ ამ გაყალბებას. პირველ დღეებში გვეჩვენებოდა, რომ გაცილებით მეტად გაყალბდა. ამას ვაღიარებთ, რომ ეს იყო ჩვენი შეცდომა, მაგრამ ამას დროზე მივხვდით. „ნაციონალურ მოძრაობას“ უნდა სხვისი ხელით ნარის გლეჯა.
პარლამენტში შესულები ლანძღონ, ციხიდან ვინც შეთანხმებით გამოიყვანა ისინიც ლანძღონ და მერე ქუსლებით, შემოკაკუნდნენ ქუსლებიანი ფეხსაცმელებით პარლამენტში. თვითმმართველობის არჩევნებში არცერთ ტურში „ნაციონალური მოძრაობისა“ და „ევროპული საქართველოს“ კანდიდატს მხარს არ დავუჭერთ”
შეგახსენებთ, ნიკა მელიამ TV პირველის ეთერში განაცხადება რომ ალეკო ელისაშვილი საკმაოდ შეცვლილია. „ბატონი ალეკო ელისაშვილი იწყევლება. იქით იმას მიაწყევლის, ხან მე მომაწყევლის, რაღაცა არ არის ის ალეკო, რომელიც მე მახსოვს.“
კომენტარები