ჟურნალისტი, დემნა დევდარიანი:
გამოქვეყნდა
აშშ-ის სახელმწიფო დეპარტამენტის ადამიანის უფლებების 2022 წლის ანგარიშში, 57 გვერდზეა განფენილი ცნობები და ფაქტები საქართველოში, პროგრესირებადი ავტოკრატიული რეჟიმის შესახებ. ყველა ინდიკატორით საქართველო კვალიფიცირდება მზარდ ავტოკრატიად, მიტაცებულ სახელმწიფოდ და დისფუნქციურ/ფასადურ დემოკრატიად.
Nika Gvaramia ანგარიშში 8-ჯერ არის მოხსენიებული, მათ შორის პოლიტიკური პატიმრების, მედიის თავისუფლებისა და სასამართლოს დამოუკიდებლობის შესახებ პასაჟებში.
წლიდან წლამდე ეს ანგარიში უფრო და უფრო მძიმდება და ეს სიმძიმე შეუძლებელია შეუმჩნეველი დარჩეს პოლიტიკის მწარმოებელი პირებისათვის ვაშინგტონში და ეს აუცილებლად ითარგმნება ქმედებებში.
მოკლედ:
არსებობს ცნობები, რომ ზოგიერთ შემთხვევაში, ხელისუფლების წარმომადგენლები ვერ ინარჩუნებდნენ ექსკლუზიურ კონტროლს შიდა უსაფრთხოების ძალებზე. იყო სარწმუნო ინფორმაცია იმის შესახებ, რომ უსაფრთხოების ძალების წევრებმა ჩაიდინეს გადაცდომები.2022 წლის მანძილზე, ადამიანის უფლებების მნიშვნელოვანი დარღვევების შესახებ სანდო ცნობები მოიცავდა:– წამებას, არაადამიანურ, სასტიკ ან დამამცირებელ მოპყრობას
– უკანონო და დაუსაბუთებელ დაპატიმრებას
– სასამართლო ხელისუფლების დამოუკიდებლობასთან მიმართებით არსებობს სერიოზული პრობლემები, მათ შორის გამოძიებებთან და დევნასთან დაკავშირებით, რომლებიც საზოგადოდ განიხილება პოლიტიკურად მოტივირებულად
– პირად ცხოვრებაში თვითნებური ან უკანონო ჩარევა
– გამოხატვისა და მედიის თავისუფლების სერიოზული შეზღუდვები, მათ შორის ძალადობა და ჟურნალისტების მიმართ ძალადობის მუქარა
– არსებითი ჩარევა მშვიდობიანი შეკრებისა და გაერთიანების თავისუფლებაში
– დანაშაულები, რომლებიც მოიცავს ძალადობას ან ძალადობის მუქარას, რომლებიც მიმართულია LGBTQI+ პირებსა და აქტივისტებზე
მიუხედავად იმისა, რომ ქვეყნის კონსტიტუცია და კანონმდებლობა უზრუნველყოფს დამოუკიდებელ სასამართლო სისტემას, არსებობს ცნობები სასამართლოს დამოუკიდებლობასა და მიუკერძოებლობაში ჩარევის შესახებ. მოსამართლეები დაუცველნი არიან პოლიტიკური ზეწოლის მიმართ სასამართლოს შიგნით და მის ფარგლებს გარეთ, საქმეებზე, რომლებიც ეხებოდა პოლიტიკურად მგრძნობიარე სუბიექტებსა ან ინდივიდებს.
კომენტარები