ნათია ჯანაშია მარცხს შეეგუა და ახლა ზიანის შემცირებას ცდილობს – აფბა

„ბოლო პერიოდში ნათია ჯანაშიას მიერ შეცვლილი კამპანია და განცხადებები, რომელსაც იგი საკუთარ სოციალურ ქსელში ავრცელებს, ტოვებს შთაბეჭდილებას, რომ იგი მარცხს შეეგუა და ახლა ზიანის შემცირებას ცდილობს“, – ამის შესახებ აფბას მონიტორინგის სამსახურის მიერ გავრცელებულ განცხადებაშია ნათქვამი. შეგახსენებთ, აფბა “ბრიტანულ-ქართული აკადემიის” გარშემო მიმდინარე დავის საზოგადოებრივ მონიტორინგს ახორციელებს, რომელიც აკადემიის ყოფილმა დირექტორმა და მინორიტარმა, ნათია ჯანაშიამ „საქართველოს განათლების ჯგუფის“ წინააღმდეგ წამოიწყო.

აფბას მონიტორინგის სამსახურის დაკვირვებით, ბოლო დროს ნათია ჯანაშიას რიტორიკის ცვლილება, სავარაუდოდ, დაკავშირებულია საქართველოში სასამართლო პროცესების დაწყებასთან და ლონდონის სასამართლოში დავის განხილვის საეჭვოდ გაჭიანურებასთან.

შეგახსენებთ, რომ ლონდონის სასამართლოს, პირველ რიგში, უნდა ემსჯელა იურისდიქციის დაკმაყოფილებაზე. 2025 წლის 2 მაისს ნათია ჯანაშიას შეტანილ სარჩელზე ლონდონის სასამართლომ გადაწყვეტილება 1 წლის დაგვიანებით გამოიტანა. გამოტანილი გადაწყვეტილება ეხება მხოლოდ ერთ რამეს: ამა წლის 20-23 ივლისს სასამართლო მოუსმენს მხარეების არგუმენტებს მხოლოდ და მხოლოდ იურისდიქციასთან დაკავშირებით, ხოლო სარჩელის დაშვებადობის საკითხი საბოლოოდ შემოდგომაზე გადაწყდება.

საქართველოს სასამართლოებში პირველი პროცესები გაიმართა, სადაც ჯანაშიას თავისივე განცხადებით გამარჯვების მინიმალური შანსებიც არ აქვს.

„ნათია ჯანაშიას მხრიდან კამპანიის ხასიათის ცვლილება, დარტყმები და ზეწოლა სახელმწიფო სტრუქტურებზე, სასამართლო სისტემაზე და მათ ხელმძღვანელებზე, ტონისა და საქციელის აგრესიულობა, აქამდე უპრეცედენტო ნაბიჯი – ბიზნეს–დავაში  შვილების ჩართვა და მათი სხვა ქვეყნის მოქალაქეობით აფიშირება და სპეკულირება, რელიგიური მოტივების შემოტანა, წინასწარ გააზრებული კრახისგან თავის არიდებისა და თავდაცვის ბუნებრივი და ჩვენთვის გასაგებიმექანიზმია.

საბედნიეროდ, შვილების ფარად გამოყენების ტაქტიკაზე ნათია ჯანაშიამ უარი თქვა და ჩვენ არაერთხელ მოვიწონეთ ეს საქციელი.

ჩვენთვის ასევე გასაგებია, რომ ქალბატონი ნათია ჯანაშია ტაქტიკის ცვლილებით ეძებს გამოსავალს, რათა თავიდან აირიდოს ის მძიმე რეპუტაციული თუ ფინანსური დარტყმები, რომელიც უცილობლად მოყვება ცილისმწამებლურ და ძალადობრივ ქმედებებსა და კამპანიას. მონიტორინგი აჩვენებს, რომ მანიპულაციებს შედეგი არ აქვს. შედეგი არ აქვს, რადგან მტკიცებულებები და არგუმენტები ნათია ჯანაშიას არ აქვს და დამარცხებას, ფაქტობრივად, ვერ აცდება,“ – დასძენენ აფბას მონიტორინგის სამსახურში.