NASA-ს სპეციალისტები აცხადებენ, რომ დედამიწას პოტენციურად საშიში ასტეროიდი უახლოვდება. კოსმოსური ობიექტი მეგაპოლისის მთელი კვარტლისხელაა და ის ჩვენს პლანეტას აპრილში მოუახლოვდება.
მეტეორიტი 52768 (1998 OR2) 30კმ/სთ-ს სიჩქარით მოძრაობს და მომდევნო თვის ბოლოს დედამიწას მაქსიმალურად მიუახლოვდება. სპეციალისტების პროგნოზით, 29 აპრილს ასტეროიდი ჩვენი პლანეტიდან 6,29 მილიონ კილომეტრში იქნება. ეს მთვარეზე 16-ჯერ უფრო დიდი მანძილია, თუმცა კოსმოსური მასშტაბებით, არც ისე დიდად ითვლება.
ასტეროიდი 52768 NASA-მ პირველად 1998 წელს აღმოაჩინა. მაშინ ის ასე აღწერეს: “საკმაოდ მსხვილი იმისთვის, რომ გლობალური შედეგები გამოიწვიოს” დედამიწასთან შეჯახების შემთხვევაში. მისი დიამეტრი 4 კმ-ზე მეტია.
მიუხედავად ამისა, სპეციალისტები აცხადებენ, რომ კოსმოსური ობიექტის დედამიწაზე ჩამოვარდნის ალბათობა 50 000-დან 1-ს შეადგენს.
წყარო – რეპორტ.ჯი
კომენტარები