საქართველოს მესამე პრეზიდენტის, მიხეილ სააკაშვილის ინფორმაციით, მურთაზ ზოდელავა, ჯანმრთელობის მძიმე მდგომარეობის გამო, სასწრაფოდ გადაიყვანეს “ვივამედში”:
ჩვენი თანამებრძოლი და უბრალოდ ძალიან კარგი ადამიანი, მურთაზ ზოდელავა სასწრაფოდ გადაიყვანეს “ვივამედში” ჯანმრთელობის მძიმე მდგომარეობის გამო.
გაირკვა, რომ მან ჩემს გვერდით საკანში, ორჯერ გადაიტანა ინსულტი. ის რომ მის სიცოცხლეს საფრთხე ემუქრება, ყოველთვის იყო ცნობილი ადგილობრივი ჯალათებისთვის. ციხის მედ პერსონალი და ციხის ზოგიერთი თანამშრომელი ტეხავდნენ განგაშს, მაგრამ მათი თბილისელი უფროსები დემონსტრაციულად აიგნორებდნენ ამ საფრთხეს.
მურთაზის ისტორია, ის რომ ასაკში მყოფი პაატა ბურჭულაძე ასევე უსამართლოდ ჰყავთ გამოკეტილი, ნათლად აჩვენებს, რომ რეჟიმი მზადაა წავიდეს ოპონენტების ფიზიკურ განადგურებაზე “ნულოვანი ემპათიის” და სინამდვილეში რუსული დაუნდობლობის გამოხატულებაა.
პენიტენციური სამსახური 4 ოქტომბრის საქმეზე მსჯავრდებული ყოფილი მთავარი პროკურორის, მურთაზ ზოდელავას კლინიკაში გადაყვანას ადასტურებს, თუმცა, არ ადასტურებს ინსულტის დიაგნოზს.
“ზოდელავა კვლევაზე ჯანმრთელობის არადამაკმაყოფილი მდგომარეობის გამო გადაიყვანეს”. – აცხადებს უწყება.
კომენტარები