“მთავარმა გამომძიებელმა თქვა რომ არანაირი პირდაპირი მტკიცებულება არ არსებობს იმაში, რაზეც პროკურატურა გვედავება”– ანდრო ჭიჭინაძე მოსამართლეს

მე ვერც ვერაფერს მოგიწოდებთ და ვერც რჩევას მოგცემთ, ჩემგან არასწორი მგონია გითხრათ, რომ რაღაც გადაწყვეტილება მიიღოთ. მე მგონია რომ სიმართლე უნდა ვილაპარაკოთ და სიმართლემ უნდა იყვიროს,იზეიმოს. ერთადერთი რამ შემიძლია ვთქვა, ის პერიოდი, ის 8 თვე სულ არის რაღაცის ლოდინი რომ რაღაცა უნდა წარმოადგინონ ამ ადამიანებმა, ველოდებით ველოდებით და არაფერი გამოჩნდა. წინა სასამართლოზე მთავარი მოწმე მთავარი გამომძიებელი გამოცხადდა და თქვა რომ არანაირი პირდაპირი მტკიცებულება არ არსებობს იმაში, რაზეც პროკურატურა გვედავება. ჩემი აზრია ასეთი ,რომ თუ თქვენ მიიღებთ იმ გადაწყვეტილებას, რომ ჩვენ აქედან წავიდეთ ციხეში, განმტკიცდება ჩემი ვარაუდი, რომ მთავრობის წევრები ახდენენ ზეგავლენას სასამართლოზე, რაზეც მანამდეც არაერთხელ ვილაპარაკე. მგონია, რომ არანაირი საფუძველი  არ არსებობს იმისითვის, რომ ჩვენ აქედან ისევ ციხეში წავიდეთ. კიდევ გეტყვით, ვერაფერს მოგიწოდებთ და ვერაფერს გეტყვით, აქ უნდა ილაპარაკოს სიმართლემ”, – განაცხადა ანდრო ჭიჭინაძემ. 

დაკავებულებს – ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კინაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.