“მოსულა, დამჯდარა სკამზე… რომ დაიჭირეს, მე ვიწექი… არ გვილაპარაკია და არაფერი” – რას ამბობს კაცი, ვის სახლშიც ესებუა დააკავეს

ბადრი ესებუას საქმის მთავარი მოწმე – ომიანე ჯიქია, რომლის ჯიხაშკარში მდებარე სახლშიც, ბანკზე თავდამსხმაში ბრალდებული, ბადრი ესებია აიყვანეს, ჰყვება, რომ მასთან ბადრი ესებუა, დაახლოებით, დილის ხუთ საათზე ფარულად შევიდა, მისი სახლში ყოფნის შესახებ კი მხოლოდ მას შემდეგ შეიტყო, რაც ადგილზე პოლიცია გამოჩნდა.

“შემოსულა და დამჯდარა სკამზე, დაიჭირეს მერე და წაიყვანეს… არ ვიცი, როგორ მოვიდა, ღამე იყო, ჩვენ ვიწექით. ჩემი ძმისშვილიშვილია. რომ მოვიდნენ [პოლიცია] და დაიჭირეს, მე ვიწექი და იყო 5 საათი. არანაირი ლაპარაკი გვქონია და არაფერი”- აცხადებს ომიანე ჯიქია რუსთავი2–თან.

შეგახსენებთ, ბადრი ესებუას დაკავებისას, მედიით ვრცელდებოდა ინფორმაცია, რომ ბოლო 2 წლის მანძილზე, ბადრი ესებუა მეტწილად, სწორედ ომიანე ჯიქიას სახლში იმალებოდა.