მოსამართლე, რომელმაც უკვე 6 საქმე შეუჩერა “ოცნებას” – “დაფიქრდიო, დავფიქრდი და მივიღე გადაწყვეტილება”

კრიტიკა და ჩემს მიმართ ამგვარი მოქმედებები ხორციელდება ფარულადაც, ჩემთვის ეს ინფორმაციები ცნობილია. სხვათა შორის, ამაში მონაწილე პირებიც მაძლევენ გარკვეულ ინფორმაციებს, თუმცა ისინი გარკვეული მიზეზების გამო ისინი ვერ ახერხებენ გამოჩენას ან ხმამაღლა ამის თქმას. არის გარკვეული მინიშნებები ფარულად, მესამე პირების მეშვეობით, რომ რაღაცნაირად დავფიქრდე, მაგრამ დავფიქრდი და ამ დაფიქრების შედეგად ვიღებ იმ გადაწყვეტილებას, რასაც ვიღებ. ცნობილი ფაქტია, რომ მე სასამართლოში არ მაქვს კომუნიკაცია და ხშირად ვამბობ, რომ მარტო ვარ იმ კუთხით, რომ მეც ვცდილობ არ მქონდეს კომუნიკაცია ჩემს კოლეგებთან იმიტომ, რომ შეიძლება მათ რაიმე უსიამოვნებაც შეემთხვეთ ამის გამო. სასამართლო კორპუსშიც არის ძალიან ბევრი ღირსეული მოსამართლე, ძალიან ბევრი ადამიანი, რომელიც შეიძლება ვერ ამბობენ, მაგრამ გულის სიღრმეში დარწმუნებული ვარ არიან ჩემი თანამოაზრეები. ზოგს გამოუხატავს კიდეც ღიათაც და შეფარვითაც. ძალიან ბევრჯერ მეტია იმ ადამიანების რიცხვი, რომლებიც გამოხატავენ მადლიერებას და კმაყოფილი არიან ჩემი საქმიანობით. ეს მაძლევს ძალას და ამაზე დიდი მოტივაცია არ არსებობს ჩემთვის და ეს კრიტიკაც სწორედ ამის გამოც გიშველოდა ჩემთვის. კრიტიკოსები არის ძალიან ცოტა და ძირითადად არის ძალაუფლების მქონე ადამიანებისგან, ვიდრე ჩვეულებრივი მოქალაქეებისგან, რომლებსაც აქვთ სასამართლოს იმედი.”