“მოსახლეობას ამ ტონალობით და სამი თითის კომბინაციით არ უნდა ესაუბროთ!”

როგორც კი, ლაგოდეხელი მაჟორიტარი, გურამ მაჭარაშვილი, ტეხასელ კონგრესმენ ოლსენს „ცნობიერებას აუმაღლებს“, ამდენი პრობლემა ალბათ აღარ შეგექმნებათ, – ასე ეხმაურება დამოუკიდებელი დეპუტატი დავით ჭიჭინაძე დედაქალაქის მერის, კახა კალაძის განცხადებას.

„როგორც კი, ლაგოდეხელი მაჟორიტარი, გურამ მაჭარაშვილი, ტეხასელ კონგრესმენ ოლსენს „ცნობიერებას აუმაღლებს“, ამდენი პრობლემები ალბათ აღარ შეგექმნებათ, ბატონო კახი. მაგრამ მე ის მაინტერესებს, თქვენ ცნობიერებას ვინ აამაღლებს, მოსახლეობას, მედიის წარმომადგენლებს იმ ტონალობით რომ არ ესაუბროთ, როგორც ესაუბრებით და სამი თითის კომბინაციით?! მოკლედ, პრობლემა იმაშია, რომ კონგრესმენებს მაჭარაშვილი მაინც ჰყავთ და თქვენ?“

ცნობისთვის, კახა კალაძემ განაცხადა, რომ სტრატეგიული პარტნიორი კანონმდებლები მეგობარ ქვეყანას ასე არ უნდა ესაუბრებოდნენ.