მიხეილ სააკაშვილის ადვოკატი, შალვა ხაჭაპურიძე, “ტვ პირველთან” ამბობს, რომ დღეს, გამომძიებელთან ერთად იყო მისული, ვივამედში და სააკაშვილის ჯანმრთელობის მდგომარეობა კიდევ მეტად დამძიმებული დახვდა.
შალვა ხაჭაპურიძე:
-3 დღის წინ მყავდა ნანახი, ვიცოდი მისი მძიმე მდგომარეობა, მაგრამ დღეს რომ შევედი, საერთოდ ვეღარ ადგა, აქამდე დახმარებით წამოდგებოდა, შეეძლო ფეხსაცმელი ჩაეცვა, დღეს საერთოდ ვერანაირი მოძრაობა ვერ გააკეთა, გამომძიებელს ბოდიში მოუხადა, მეორე მეორე ექთანი შემოვიდა, მესამე ექთანი და ძლივს გადაიყვანეს 2 მეტრი და დასვეს. მე რასაც ვუყურებ, მომაკვდავია ეგ ადამიანი, 25 მოწმეა დასაკითხი, რა 25 მოწმის დაკითხვის უნდა გაუძლოს ამან? თვითონ თქვა 1 დღეში დამთავრდება ხო პროცესიო და აღარ ვუთხარი არაფერი, 1 დღეში როგორ უნდა დამთავრდეს ახლა, 25 კაცი როგორ უნდა დაკითხო 1 დღეში. ამხელა დასკვნა ხომ უნდა გააჟღერო? მარტივი პროცედურები არაა ეს. პირველად რომ ვნახე სააკაშვილი, შოკირებული ვიყავი, მაგრამ ახლა გაცილებით დამძიმებული მდგომარეობა დამხვდა. მკითხა, მე პროცესზე უნდა წამოვიდეო? მე ვუთხარი, ასეთ მდგომარეობაში როგორ უნდა წამოხვიდე-თქო. არ გამოვრიცხავ ერთი სასამართლო პროცესი გასვლითი მოვითხოვო და ჩატარდეს ვივამედში, ოღონდ ტელევიზიების თანხლებით. მოსახლეობამ უნდა ნახოს, რა მდგომარეობაში.
წარმოუდგენლადაც კი მიმაჩნია სასამართლომ თქვას უარი მის გათავისუფლებაზე, ან სასჯელის გადავადებაზე, ეს იმას ნიშნავს, რომ მას სასამართლომ გამოუტანოს სასიკვდილო განაჩენი. ბევრი პატიმარი მინახავს და დამიჯერეთ, რა მდგომარეობაშიც იმყოფება, ეს არის მომაკვდავი კაცი. აყურებინონ პირდაპირ ლაივში ხალხს, რა მდგომარეობაშია. ჯერ 55 დღიანი შიმშილობა იყო, გააკეთებდა ადვოკატი განცხადებას ცუდადააო, კარგად ხომ არ იქნებოდა? მერე შიმშილობიდან გამოსვლები, მერე, მე-18-ში გადაყვანები და კეთდებოდა ეს განცხადები. წერენ სოციალურ ქსელში, ასე იძახით, რამდენი ხანია კვდებაო და რომ მოკვდება მერე უნდა ვთქვათ, რომ მოკვდა?
შალვა ხაჭაპურიძემ განაცხადა ისიც, რომ სააკაშვილთან შეწყალებაზეც ისაუბრა, თუმცა, მან უპასუხა, რომ შეწყალება არ განიხილება.
კომენტარები