მწერალი, ლუკა ბაქანიძე, სოციალურ ქსელში, გვერდზე Lukrecio Bakanidze, წერს:
“საქართველოს მესამე პრეზიდენტს, მიხეილ სააკაშვილს რაც შეეხება: მიუხედავად მის მიერ დაშვებული შეცდომების კასკადისა, ფაქტია – ერთადერთი ადამიანია თანამედროვე საქართველოს პოლიტსპექტრში, რომელსაც გააჩნია ეროვნული ენერგიის კონდენსაციის და საჭირო მიმართულებით წარმართვის უნარი…
წლებია უკვე, წყლისპირებიდან გამოვყურებ ამ კაცის ბედ-იღბალს, მის მიერ დაშვებულ უამრავ შეცდომას და ასევე, ქვეყნისთვის უმნიშვნელოვანეს და სასარგებლო მოქმედებებსაც, და წლებია უკვე, თითქმის მშურს, ერთი მავანი ჩათლახი გონების მიერ მოფიქრებული იდეალური გეგმის, რომელიც ზედმიწევნით ზუსტად იცნობს ხალხის ფსიქოლოგიას და კერძოდ – ქართველის, როგორც ასეთის, ხასიათს, და რომელმაც შეასრულა და ასრულებს უნიკალურად გამართულ, სამ ეტაპიან ჩანაფიქრს:
1. მოახდინოს მიხეილ სააკაშვილის იმგვარი დემონიზება, ამა ქვეყნის საუკეთესოდ მოაზროვნე ტვინებსაც კი მოერიდოთ სააკაშვილზე და მის მიერ გაკეთებულ საქმეებზე საქებარი სიტყვის თქმა, პირდაპირ მხარდაჭერაზე რომ არაფერი ვთქვათ: „მიშისტობა“ უნდა გამხდარიყო, მინიმუმ, ერთგვარი გონებრივი დეფექტის დიაგნოზი, და მაქსიმუმ, გაუთავებელი ქირქილის, ირონიის და მტრობის წყარო. პირველი ეტაპი შესრულდა ბრწყინვალედ.
2. მოახდინოს ამ ადამიანის მაქსიმალური ნეიტრალიზება, პირდაპირი გაგებით, რათა მას აღარ ჰქონდეს წვდომა და კავშირი ხალხის მასებთან. დღეს სააკაშვილი ციხეშია და ეს ეტაპიც ასი პროცენტით შესრულებულია. და ბოლო,
3 ეტაპი – მიხეილ სააკაშვილის სრული გაქრობა. ლიკვიდაცია. რადგან: სანამ ის ცოცხალია, ჯერჯერობით მაინც რჩება ყველაზე სახიფათო ადამიანად ანტი-ეროვნული ძალებისთვის, როგორც ზემოთ ვახსენე, სწორედ მისი ამ უნარის გამო – რომლისთვისაც, მე პირადად, მიღირს, რომ მეძახონ მიშისტი და ნაცი, არადა სამყარომ იცის, რომ არავისტი არ ვყოფილვარ და არც ვიქნები არასდროს, ფოლკნერისტის გარდა – ჰოდა, მიღირს მეთქი ძმებო და დებო, რომ მოვითხოვო, აზრი დავაფიქსირო, და ვთქვა, და თუ საჭირო გახდა, ვიყვირო კიდეც: – თავისუფლება და ჯეროვანი მკურნალობა საქართველოს მესამე პრეზიდენტს, მიხეილს სააკაშვილს! აი, ასე. დავაი ახლა, იქირქილეთ, მშალეთ, მეკაიფეთ – ალაჰმა უწყის, როგორ მკიდია ყლეზედ. PAX”
კომენტარები