“მიშას ციხეში ჯდომა ცოტა მიტყდება, ის ბრალდებებიც ბუნდოვანია, რის გამოც ზის ციხეში” – გურამ შეროზია

ბლოგერი, გურამ შეროზია:

“მიშისტი არ გეგონოთ, მაგრამ მიშას ციხეში ჯდომა ცოტა მიტყდება.

ისტორიას რომ გადავხედოთ – ჯამში იმაზე მეტი გააკეთა პრეზიდენტობისას, ვიდრე ჯამში ყველა სხვა პრეზიდენტმა ერთად, კაი ბიჭები რომ “თავანს” არ მთხოვენ, რომ ვმოგზაურობ, 100% დაფინანსებით რომ ვისწავლე, ჩემი განათლება კარიერაში რომ გამომადგა, სხვადასხვა ქალაქში საქართველოში ბედნიერად რომ ვმოგზაურობ და ევროპას არ ჩამოვუვარდებით – ამისიც მადლიერი ვარ.

კი, ცუდი რაღაცები ჩაიდინა (მე მაშინ ბავშვი ვიყავი და ჩემს ტყავზე არ გამომიცდია) და სასჯელიც მიიღო ამისთვის – დაკარგა ხელისუფლება და ქვეყნიდან წასვლაც მოუწია.

ჩემთვის ის კონკრეტული ბრალდებებიც ბუნდოვანია, რის გამოც ზის ციხეში და თუ მეტყვით კომენტარებში – მოგისმენთ სიამოვნებით.

არ ვამბობ, რომ არიქა დავაბრუნოთ, ყველამ თავად გადაწყვიტეთ, რა გირჩევნიათ, თუმცა ციხისთვის მაინც ვერ მემეტება. მე მაპატიეთ

დავიღალე ემოციურად ამ ყველაფრით და ამ დაუსრულებელი ძიძგილაობის ყურებით, წავალ ისევ “ლამაზს” მოვუსმენ და ცოტა გავბედნიერდები”