“მიშა, შენ მორალურად უკვე გაიმარჯვე” – ნიკა მელია

“ენმ”-ს თავმჯდომარე, ნიკა მელია:

“ჩვენ დიდი პარტია ვართ, მიშა დიდი პოლიტიკური ფიგურაა და შესაძლებელია, ჩვენდა უნებურად კომპლექსებს ვუჩენდეთ სხვა პარტიებს, მაგრამ არასოდეს ყოფილა ნაციონალური მოძრაობა ისეთი, როგორც დღეს. გვინდა ერთიანი, სახალხო მოძრაობა, არ ვაპირებთ ერთპიროვნულად ხელისუფლებაში მოსვლას. მიშა შენ მორალურად უკვე გაიმარჯვე. მორალურად ხარ გამარჯვებული. ასევე ეს ქვეყანა გათავისუფლდება ამ მარწუხებისგან და მიტაცებულ ქვეყანას დავიბრუნებთ. ეს არის სააკაშვილის გეგმა, ჩვენი გეგმა, ყველა პატიოსანი მოქალაქის გეგმა. ჩვენ არ გვინდა ვიღაცის დამარცხება, ხალხო, ჩვენ გვინდა გამარჯვება.”