მინდა შევახსენო ყველას, რომ პროცესში ჩავერთე ყველა მხარის თხოვნით, – ასე უპასუხა საქართველოში ევროკავშირის ელჩმა კარლ ჰარცელმა ჟურნალისტებს კითხვას, პოლიტიკური პარტიების მიერ ელჩების კრიტიკასთან დაკავშირებით.
„როგორც ფასილიტატორები, ჩვენ პოლიტიკურ პარტიებს ვთავაზობთ სივრცეს მოლაპარაკებებისთვის და ასევე მხარდაჭერას დიალოგის წინ წასაწევად. საბოლოო ჯამში კი, გადაწვეტილება პოლიტიკური ლიდერების მისაღებია. მეტი მიზანი არ გვამოძრავებს. მე დავრჩები ერთგული ამ როლის, ვიდრე მივიჩნევ, რომ პოლიტიკურ მხარეებს ჩემი როლი სასარგებლოდ მიაჩნიათ. როგორც კი დადგება მომენტი, როდესაც ჩავთვლი, რომ ჩემი როლი აფერხებს პროგრესს, მაშინ ჩემი მანდატი ამოიწურება.
ვფიქრობ, გასული ორი დღის განმავლობაში მნიშვნელოვან პროგრესს მივაღწიეთ. ამასთან, ჩვენ ვიცით, რომ ეს დისკუსიები რთულად მიმდინარეობს. ყველაზე მნიშვნელოვანი არის, რომ შევძელით საერთო ენის გამონახვა მომავალ საარჩევნო რეფორმასთან დაკავშირებით, რაც ჩემი აზრით, ძალიან მნიშვნელოვანია. ეს გადამწყვეტია, რომ მომდევნო არჩევნების დროს იმაზე ნაკლები ხარვეზი ვიხილოთ, ვიდრე წინა არჩევნებზე ვნახეთ. ეს კარგი ამბავია. სხვა საკითხები რჩება მაგიდაზე. ბევრი მათგანი ჯერ გადაუწყვეტელია. ჩვენ ვნახავთ, რამდენად შესაძლებელია წინ წაწევა. ყველა მხარე ერთგულია დიალოგის გაგრძელების და ხვალ ვნახავთ რამდენად შესაძლებელია ჯერ კიდევ პროგრესის მიღწევა, ვიდრე პარლამენტი მუშაობას დაიწყებს. სხვა საკითხებს რაც შეეხება, ჩვენ უნდა ვნახოთ, რა მოხდება. როგორც თქვენ მოისმინეთ დიალოგის მონაწილეთა კომენტარებიდან, საბოლოოდ სწორედ მათ მოუწევთ გადაწყვეტილების მიღება, ეს მარტივი პროცესი არ იქნება. როგორც ვთქვი, ჩვენ გავაგრძელებთ მოლაპარაკებებს, რათა ვნახოთ, თუ იქნება შეთანხმების მიღწევის შესაძლებლობა ხვალ ან ნებისმიერ სხვა დროს“
კომენტარები