საქართველოს პრეზიდენტი, სალომე ზურაბიშვილი, სპეციალურ ბრიფინგზე განმარტავს, რატომ მოიწვია პარლამენტის რიგგარეშე სხდომა და ამბობს:
“მინდა განვმარტო, რატომ მოვაწერე ხელი – მინდა ნათელი იყოს, ბულინგის და ზეწოლის შედეგად არ ვაწერ მე ხელს და მგონი, უკვე ყველამ კარგად იცის. მოვაწერე ხელი, იმიტომ რომ დღეს ქვეყნის ყველაზე დიდი გამოწვევაა ის 12 რეკომენდაცია, რომელიც მივიღეთ ევროკომისიისგან, რომელიც უნდა შევასრულოთ 6 თვეში, თუ 7 თვეში, თუ რაც იქნება. ახლა გამართლებული არ არის შესვენება, სესია არის გამართლებული, კომისიების მუშაობაც, მოვუწოდებ ყველას, მიიღონ მონაწილეობა – ყველა ის კანონი რაც მისაღებია მივიღოთ დროულად, ყველა საკითხი და დეპოლარიზაციის საკითხი, ერთად, პარლამენტში ყოფნით გადავწყვიტოთ,.
ეს არის ამ ქვეყნის ერთადერთი პერსპექტივა, ის ევროპული პერსპექტივა, რომელიც მივიღეთ და არავის აქვს უფლება ამ გზიდან გადაგვიყვანოს.”
შეგახსენებთ, რიგგარეშე სხდომის დანიშვნას ითხოვდა ოპოზიციაც, თუმცა, მმართველი გუნდი უარს აცხადებდა.
კომენტარები