“მინდა გაგახაროთ, ეს მაინც მოხდა – ხელისუფლება თბილისს დაკარგავს”

მინდა გაგახაროთ, ეს მაინც მოხდა – განაცხადა „ლეიბორისტული პარტიის“ თავმჯდომარემ, შალვა ნათელაშვილმა თბილისის ორ საარჩევნო ოლქში ოპოზიციის საერთო კანდიდატების წარდგენისას.

ნათელაშვილის თქმით, ეს არის ისტორიული გადაწყვეტილება, რაც იმას ნიშნავს, რომ ოქტომბერში ხელისუფლება თბილისს დაკარგავს.

„მიღებულია გადაწყვეტილება, რომ საბურთალოს ოლქში ოპოზიციის საერთო კანდიდატი იქნება დაუცხრომელი მებრძოლი ირაკლი ოქრუაშვილი, დიდუბე ჩუღურეთის ოლქში კი ზურაბ ჯაფარიძე, რომლის აქტიურობით ჩვენ ყველანი მოხიბლულები ვართ“, – განაცხადა ნათელაშვილმა.

მისივე თქმით, ოპოზიციის დღევანდელ შეხვედრაზე ხელი მოეწერა დეკლარაციას ხმების დაცვის შესახებ, რაც ნათელაშვილის თქმით, „ისტორიული გადაწყვეტილებაა“.

„ეს ოქროს ასოებით ჩაიწერება პოლიტიკის სახელმძღვანელოში“, – აღნიშნა „ლეიბორისტების“ ლიდერმა.