ე.წ. ვეტინგი სასამართლო სისტემაში – ევროკავშირის ელჩის თქმით, ხელისუფლებასთან ამ საკითხთან დაკავშირებით დისკუსია მიმდინარეობს. გარდა ამისა, როგორც ჰერჩინსკის განცხადებიდან ირკვევა, დისკუსია იქნება ასევე სამოქალაქო სექტროთან.
ეს არის ერთ-ერთი საკითხი, რომელიც შეტანილ იქნა ყოველწლიურ მოხსენებაში საქართველოს შესახებ. დისკუსიები ხელისუფლებასთან იმის შესახებ, თუ რას ნიშნავს ეს, ამჟამად მიმდინარეობს და მე იმედი მაქვს, რომ ევროკომისია და საქართველოს ხელისუფლება შეთანხმდებიან იმაზე, თუ რა უნდა გაკეთდეს და ეს შეფასებული იქნება გაფართოების შემდეგ მოხსენებაში, რომელიც გამოქვეყნდება მიმდინარე წლის ოქტომბერში. ახლა ინტენსიური კონსულტაციებია ევროკომისიასა და აქართველოს ხელისუფლებას შორის ცხრავე რეკომენდაციაზე, მათ შორის ვეტინგზე. ჩვენ უნდა დავიცადოთ ოქტომბრამდე და დეკემბრამდე. ამჟამად ჩვენ ვიწყებთ შემდეგი გაფართოების მოხსენების მომზადებას და გვაქვს კონსულტაციები პრაქტიკულად ყველასთან. მომავალ კვირას ვიწყებთ კონსულტაციებს სამოქალაქო საზოგადოებასთან და ანგარიში გამოქვეყნდება ოქტომბერში, ისევე როგორც ევროკომისიის მომდევნო რეკომენდაცია. დეკემბერში კი წევრი სახელმწიფოების ლიდერები მიიღებენ გადაწყვეტილებას, გადავიდეს თუ არა საქართველო მომდევნო ეტაპზე,” – განაცხადა ჰერჩინსკიმ.
კომენტარები