გაერთიანებული ოპოზიცია მოლაპარაკებებს აწარმოებს, როგორც მედიაში ინფორმაცია ვრცელდება შესაძლებელია მაჟორიტარობის კანდიდატად სხვადასხვა პარტიის ლიდერები ვიხილოთ. ამ თემას სოციალურ ქსელში ჟურნალისტი არჩილ გამზარდია გამოეხმაურა:
“გაერთიანებულმა ოპოზიციამ მაჟორიტარობის კანდიდატებად ლიდერები არ უნდა დაასახელოს, არამედ ახალი სახეები (არაა სავალდებულო მხოლოდ ასაკით ახალგაზრდები იყვნენ, არამედ პოლიტიკური ცხოვრრბისთვის ახალგაზრდები)
არაერთ პარტიაში ვიცნობ ახალგაზრდა აქტივისტებს, ზოგადად, არაგაცვეთილ სახეებს, საინტერესო და იმედისმომცემ ადამიანებს, სწორედ მათ წინწაწევაზე უნდა იმუშაონ ლიდერებმა, თუნდაც მათი საარჩევნო შტაბის მართვაზე, მაგრამ კანდიდატებად არ უნდა დასახელდნენ, ჩემი აზრით.
მსგავს შემთხვევაში მეც და მგონია, არაერთი სხვაც, სერიოზულად დავფიქრდებოდით მათთვის ხმის მიცემაზე.
არ დაგვავიწყდეს, სულ რომ შეთანხმდეს “გაერთიანებული ოპოზიცია” კანდიდატებზე (რაც საკმაოდ რთულია), მათ ეყოლებათ ოპოზიციური კონკურენტები მინიმუმ “ლელოდან” და “ალიანსიდან” , რაც ოპოზიციურ კანდიდატებს შიდა კონკურენციის რეჟიმში მაინც მოაქცევს.
ამას გარდა ლიდერების საარჩევნო კანდიდატებად წარმოდგენა შესაძლოა ამომრჩევლის ნაწილმა მაინც აღიქვას, როგორც ამ ლიდერების მხრიდან “სკამებისთვის ბრძოლა”.
ასე, რომ, ჩემი მოკრძალებული რეკომენდაციით, “გაერთიანებულ ოპოზიციას” ვურჩევდი, პოლიტიკური ლიდერების ნაცვლად პოლიტიკურად ახალგაზრდა სახეები წარმოადგინოს კანდიდატებად”
კომენტარები