ლევან ჯავახიშვილი
„ალიას“ ესაუბრება იურისტი, ვალერი გელბახიანი.
– ბატონო ვალერი, ირაკლი ღარიბაშვილი ამერიკაში, გაერო-ში იყო ვიზიტით და სიტყვით გამოსვლისას, უკრაინაში რუსეთის აგრესიაც დაგმო და უკრაინასაც მეგობარი ქვეყანა უწოდა. ეს ხელისუფლების სახის შენარჩუნების მცდელობა იყო პრემიერის მხრიდან? თუ დასავლეთში არ იციან „ქართული ოცნების“ რეალური დამოკიდებულება რუსეთის და უკრაინის მიმართ და იმავე პრემიერის ძველი განცხადებები არ ახსოვთ? ინტერნეტის ეპოქაში ასეთი რადიკალური საგარეო ცვლილება, ცოტა არ იყოს, ღიმილის მომგვრელი არ არის?
– მარტივი ხსნა აქვს ირაკლი ღარიბაშვილის ამ ვითომ სახეცვლილებას და საშინაოსგან განსხვავებულ რიტორიკას. ქართული ანდაზაა ასეთი – გარეთ მტერს უბრმავებს თვალს და შიგნით მოყვარესო. სულ ეგ არის. კი, იციან უცხოელებმა ჩვენი ხელისუფლების რეალური პოზიცია რუსეთ-უკრაინის ომთან დაკავშირებით, ჩვენი და რუსეთის ხელისუფლების პარტნიორობის შესახებაც იციან. ფიქრობენ, რომ ვიღაცა დაიჯერებს ამ სისულელეს. თუ არ დაიჯერებენ, ეგ მათი პრობლემაა. ეს არის ხელისუფლების პოზიცია.
კომენტარები