ნაციონალური მოძრაობის წევრი, გიორგი მუმლაძე:
“როგორც დაგეგმილი იყო, ხვალ 13 საათზე მარნეულში უნდა გამართულიყო მიშას მხარდასაჭერი საპროტესტო აქცია.
თუმცა გეგმები შეიცვალა, რადგან მარნეულის რაიონში მცხოვრები მოსახლეობის 80% – ზე მეტი ეთნიკურად აზერბაიჯანელია, მათ კულტურულად, რელიგიურად და ეკონომიკურად ძალიან მჭიდრო კავშირი აქვთ თურქეთის რესპუბლიკასთან.
თურქეთში მომხდარი ტრაგიკული მოვლენების გამო, გუშინ გვიან ღამით, თურქეთის საელჩომ საქართველოში, ოფიციალური განცხადება გაავრცელა ჰუმანიტარული დახმარების მოთხოვნის შესახებ, რის შემდეგაც, ჩვენს რაიონში, აქტიურად დაიწყო, ჰუმანიტარული აქტივობები, რელიგიური კუთხით კი გლოვის პროცესი.
ჩვენი მომხრეების ახლობლები და ნათესავები დაზარალდნენ მიწისძვრით, ზოგიერთი დაკარგულად ითვლება ამ დრომდე.
ამიტომ, ჩვენს მომხრეებთან კონსულტაციების შემდეგ, მივიღეთ გადაწყვეტილება, რომ საპროტესტო აქცია რამდენიმე დღით გადავდოთ, აქცია აუცილებლად ჩატარდება, მითუმეტეს, რომ მარნეული ერთ-ერთი ყველაზე აქტიურია მიშას მხარდაჭერაში, რისი ერთ-ერთი გამოვლინებაცაა “მიშას გათავისუფლების შტაბის” ჯერ კიდევ ერთი წლის წინ გახსნა!
12 საათზე შევიკრიბებით სწორედ “მიშას გათავისუფლების შტაბთან” და ჩვენი ოფისის ნაწილს გამოვყოფთ თურქეთის დასახმარებლად განკუთვნილ ჰუმანიტარული პროდუქტის შესაგროვებლ სივრცედ, სადაც ჩვენს მომხრეებს და ზოგადად ნებისმიერს შეეძლება მოიტანოს დახმარება, შეგროვილ ნივთებს კი, პერიოდულად, ორგანიზებულად მივიტანთ თურქეთის საელჩოში – თბილისში.
#თავისუფლებამიშას”
კომენტარები