“მამა-შვილი ივანიშვილების ამაზრზენი ვიდეო არ არის შემთხვევითი…”

პოლიტიკოსი, ირინა სარიშვილი, სოციალურ ქსელში, წერს:

“მამა–შვილი ივანიშვილების სიტუაციის გათვალისწინებით სრულიად ამაზრზენი ვიდეო არ არის შემთხვევითი და არც ცუდი პიარ–მენეჯერის ბრალია. ეს გახლავთ ამ ქვეყნის ფეოდალი მეპატრონის შეგნებული აქტი, რომლითაც ის დაუფარავად გამოხატავს საკუთარ დამოკიდებულებას საქართველოს მიმართ, რომელსაც ის კაზინოდ თვლის და ადამიანებს სხვადასხვა ღირებულების ფიშკებად, და რაც მთავარია, გვაჩვენებს საკუთარ როლს იმ აბსურდში რაც ეხლა ჩვენს ჯერ კიდევ ქვეყანაში ხდება.
ეს ვიდეო არის საკუთარ ხალხზე გამარჯვებული ოლიგარქის და მისი ოჯახის ემოცია და კარგი ფინალი იქნებოდა ნებისმიერი საშინელებათა ფილმისთვის, სადაც ბოროტი იმარჯვებს კეთილზე!

მაშ ასე! თუ კიდევ აქამდე ბევრი ვერ ხვდებოდა, ამ ვიდეოთი ოფიციალურად გაგვაფრთხილეს რა გველოდება და თუ ამას დავუშვებთ საქართველო უბრალოდ აღარ იარსებებს!
ამის დაშვება არ შეიძლება და დარწმუნებული ვარ სულ ახლო მომავალში ეს ბოროტება კორონას კვალდაკვალ გაყვება. კორონას დასასრული ამ ტირანიის სწრაფი დასასრულის დასაწყისი იქნება – მე ამის გულწრფელად მჯერა!”