ინფექციონისტი მაია ბუწაშვილი, სოციალურ ქსელში წერს, რომ გადასახედია მოთხოვნა დაწესებულებებში შესვლისას ტემპერატურის გაზომვის შესახებ.
როგორც ბუწაშვილი განმარტავს, ამ მეთოდმა ისედაც არ გაამართლა, “ომიკრონის” შემთხვევაში კი, ინფიცირებულებს, ხშირ შემთხვევაში, ტემპერატურა საერთოდ არ უფიქსირდებათ.
“მე ვფიქრობ, გადასახედია მოთხოვნა დაწესებულებებში შესვლისას ტემპერატურის გაზომვის შესახებ. ამ მეთოდმა ისედაც დიდად არ გაამართლა ინფექციის კონტროლის კუთხით, მაგრამ ახლა საერთოდ დაკარგა მნიშვნელობა იმ პირობებში, რომ ომიკრონით ინფიცირებულებს ტემპერატურა ხშირად საერთოდ არა აქვთ.
დაწესებულებებს კი ერთი დამატებითი და ფაქტიურად უსარგებლო კადრის საჭიროება მოეხსნებათ,”- წერს მაია ბუწაშვილი სოციალურ ქსელში.
კომენტარები