მიხეილ სააკაშვილი წერილს აქვეყნებს:
,,მოულოდნელად გარდაცვლილ სენატორთან, ლინდსი გრემთან კიდევ ერთი სახალისო ისტორია მაკავშირებს. ერთ-ერთი ჩამოსვლისას ეგ, მაკკეინი, მაკკეინის თანაშემწე მეგი, რომელიც ბაიდენის ეროვნული უშიშროების საბჭოს ყოფილი თანაშემწის სალივანის მეუღლეა და სენატორი ლიბერმანი ყვარელში, აწ ჩამორთმეულ და გაპარტახებულ ვენახში დავპატიჟე რთველზე სექტემბერში.
მათი ვიზიტის დროს, რა თქმა უნდა, ასეთ ვიზიტებს რუსეთის ემბარგო დადებული ქართული ღვინის, რომელსაც ჯონ მაკკეინი “თავისუფლების ღვინოს” უწოდებდა, პოპულარიზაციისთვის ვიყენებდი ხოლმე (ზოგადად ამისთვის შევიძინე ეგ ვენახიც), მაგრამ ამჯერად მეგიმ მკაცრად გაგვაფრთხილა, რომ ჟურნალისტები არ მოგვეწვია, ვინაიდან ამერიკაში დიდი სტიქიური უბედურება მძვინვარებდა და სენატორების სხვა თემაზე ჩვენება უბრალოდ დააზარალებდა მათ პოლიტიკურად, მაგრამ იქ მაინც აღმოჩნდა რამდენიმე კამერა, ძირითადად ამერიკის დელეგაციის წევრების და საელჩოს ერთი თანამშრომლის და ვიდეო მოხვდა სოც. ქსელებში.
ხოდა მეორე დღეს ყველა არხზე ამერიკაში გავიდა ვიდეო, ქართული მრავალხმიანობის ფონზე, საწნახელში ჩამდგარი სენატორების და ქართული ცეკვა-თამაშის, შემდეგი ტექსტით – “სანამ აქ ქარიშხალი და წყალდიდობებია, ნახეთ რა კარგ დროს ატარებენ ჩვენი წამყვანი სენატორები სააკაშვილთან, მის ვენახში, საქართველოში.”
ეს კი იყო ჩვენი უდიდესი რეკლამა, მაგრამ მე ძალიან შევწუხდი, ხოლო ლინდსი გრემი ჩემზე გაბრაზდა და 1,5 წელი არ პასუხობდა ჩემს ზარებს. ნუ მერე მაკკეინმა და რუბიომ შეგვარიგეს. აი ასეთი ამბები ხდებოდა იმ “9 წელში”.
კომენტარები