“ლაზარე ჯორბენაძემ თვითმკვლელობა და სხვა ცოდვაც დაიდო” – იურისტი პაპუაშვილის შეფასება ჯორბენაძის საქმეზე

ქართული ოცნების ლიდერი, შალვა პაპუაშვილი, მტკიცებით ფორმაში აცხადებს, რომ ლაზარე ჯორბენაძემ თავი მოიკლა, მაშინ, როცა პროკურატურამ საქმის გამოძიება განაახლა და გამოკითხვაზეც კი დაიბარა არაერთი ადამიანი, მათ შორის ისინი, ვინც მხოლოდ კითხვა დასვა

“საღი განსჯის უნარი გვაქვს. როდესაც  ეს ადამიანი იყო ცოცხალი, ამბობდა, რომ აქვს საიდუმლო კოდები, რომლითაც  სადღაც შედის. ამ ადამიანმა თვითმკვლელობა თვითმკვლელობა და სხვა ცოდვაც დაიდო და ისე წავიდა – ცილი დასწამა ადამიანებს. ეს არის ზღაპარი. მთელი უბედურება რაშია იცით, რომ აბსოლუტურად ყველამ კარგად იცის, რომ ეს იყო ბოდვა. ამ ბოდვის მერე ახლა ეს ადამიანი ცოცხალი არ არის და ახლა მის ამ ნაბოდვარ იყენებენ იმისთვის, რომ ტირაჟირება მოახდინონ, ეს არის უსინდისობა, უპირველესად ამ ადამიანის მიმართ, გარდაცვლილის მიმართ, როდესაც მის სულს არ ასვენებენ იქაც და მის ცილისწამებას იმეორებენ და ამით მის სულს კიდევ ზიანს აყენებენ”.

ცნობისთვის, ყოფილმა პრემიერმა კითხვები დასვა ლაზარე ჯორბენაძის გარდაცვალების რეალურ მიზეზებთან დაკავშირებით და განაცხადა, რომ საზოგადოებაში პასუხგაუცემელი კითხვები რჩება რამდენიმე ადამიანის თვითმკვლელობის ფაქტზე, რომლებიც, მისი თქმით, „კობახიძე-მდინარაძის მმართველობის დროს“ მოხდა.

დაიბარებს, თუ არა, პროკურატურა გამოკითხვაზე პაპუაშვილს, რომელიც ამტკიცებს, რომ დაზუსტებულ ინფორმაციას ფლობს? – ეს, წესით, მალე უნდა გამოჩნდეს