კოვიდის ვაქცინა იქცა პოლიტიკურ იარაღად – თაღლითები ყიდიან ვაქცინებს – ვის ადანაშაულებს ამირან გამყრელიძე?

დაავადებათა კონტროლის ეროვნული ცენტრის ხელმძღვანელი ამირან გამყრელიძე “ტვ პირველთან” ამბობს:

“ქვეყანას კონტრაქტი აქვს გაფორმებული 1 400 000 დოზაზე. კერძო სექტორმაც იმუშავეთ, რომ ვაქცინა შემოიტანოთ. მაგრამ, ჯერ არც ფაიზერი, არც ასტრაზენეკა… ჯერჯერობით მხოლოდ თაღლითები ყიდიან ამ ვაქცინებს… ემბარგო ადევს ევროკავშირისგან ამ ვაქცინების გარეთ გასვლას – კოვიდის ვაქცინა დიდი სახელმწიფოების ხელში იქცა პოლიტიკურ იარაღად, ამიტომ ჯანმოს დამსახურებაა, რომელიც მხარს უჭერს საქართველო, რომ აღმოვჩნდით იმ 4 ქვეყანაში, რომელსაც ვაქცინა მისცეს. მარტში ასტრაზენეკა რომ შემოვა გარკვეული დოზებით…

თუ გვინდა ქვეყნისთვის საქმე ვაკეთოთ, დავანებოთ პოლიტიკურად ანგაჟირებულ გამოსვლებს თავი – როცა საუბარია კომუნიკაციაზე, სწორი კომუნიკაცია უნდა იყოს მოსახლეობასთან. წელს გეგმის მიხედვით, ჩვენ თუ ავცრით მოსახლეობის 60 პროცენტს და დავიცავთ რეკომენდაციებს, ეპიდემია და პანდემია დამარცხდება. ბიოლოგიური ციკლი ამ ვირუსის 2-2,5 წლის განმავლობაშია და ბიოლოგიური ციკლიც მიანელებს ამ ვირუსს.”