ჟურნალისტი, ავთო დვალიშვილი, რომელმაც, კორონავირუსის ინფექცია გადაიტანა, წერს:
“ფაქტია, კოვიდის გადატანის შემდეგ, ისეთი თვისებები გამიჩნდა, რაც იქამდე არ მქონდა…
მეხსიერებაში, აშკარად პრობლემები შემექმნა. არა რთულად, მაგრამ ჩემთვის, ხასიათიდან გამომდინარე, ისიც პრობლემაა, მაგალითად ხშირად რომ მავიწყდება სად დავდე ესა თუ ის ნივთი. სხვებისგანაც გავიგე იგივე. იმედია კიდევ უფრო პროგრესირებას არ დაიწყებს ეს სიმპტომი თუ თვისება…
ყველაზე მეტად გულმავიწყ ადამიენებზე ვბრაზობდი, სიტყვა- დამავიწყდა მეზიზღებოდა და ჰაა… რა გინდა რომ ქნა…”
კომენტარებში წერენ:
“მეხსიერება მეც ცუდ დღეში ჩამიგდო კოვიდმა.”
“როგორ გამახარე, მეგონა მხოლოდ მე ვიყავი მაგ დღეში”
“სამწუხაროდ, მეც შევნიშნე. მაგალითად, ტელეფონზე დარეკვას ვაპირებ კონკრეტულ ადამიანთან, უცებ მავიწყდება მისი სახელი და ვეღარ ვიგებ, როგორ მოვძებნო ნომერი ტელეფონის კონტაქტებში”
“სასწაული მჭირს, სიტყვები მავიწყდება, მარკეტში რის საყიდლად ჩავდივარ მავიწყდება… ჭამა მახსოვს”
“მხოლოდ კოვიდს არ აქვს ეგ ეფექტი. 2000წელს კინაღამ წავედი იმქვეყნად. მოსკოვი 99 გრიპი დამემართა,ერთი თვის განმავლობაში ზედიზედ ორჯერ უმძიმესი გართულებებით,რომელმაც მოიცვა მთელი ლიმფური სისტემა. ვის ახსოვდა გონება. ერთ თვეში დავიკელი კატასტროფული სისწრაფით და კახექსიური სიგამხდრე დამემართა,კუნთების დაუძლურებითა და ათასი სხვა ჯოჯო რამეებით.გამომჯობინების და ძალების აღდგენის შემდეგღა აღმოვაჩინე ძალიან სამწუხარო კვალი. ამნეზია. დამავიწყდა სამი უცხო ენა! ასე დამტოვა გონებრივ ინვალიდად. ძალიან სამწუხარო დანაკარგია ეს. პირველად გავამხილე. არც ერთმა მცდელობამ და მეცაფინეობამ,რომ რომელიმე აღმედგინა, სათანადო დონეზე, შედეგი არ მოიტანა. ამ ენების კერა ტვინში აღარ არსებობს, ერთ ერთის შესწავლა ისედაც ახალი დაწყებული მქონდა და შორს შესული არ ვიყავი. დანარჩენი ორის “გაქრობამ” კი ფაქტიურად უხელოდ დამტოვა. დღემდე ვპოულობ მეხსიერებაში , ცხოვრების სხვადასხვა პერიოდებში შავ ლაქებს. ენების მხრივ უდიდესი შოკი მივიღე მაშინვე. კომპიუტერში უმნიშვნელოვანესი ფოლდერი რომ წაგეშლება. მქონდა უდიდესი დეპრესია. დამეწყო კომპლექსები. შემეშალა ხელი პროფესიულ წინსვლაში.სამსახურში(რადიოში) სინქრონულ თარგმანზე ვმუშაობდი და “ჩავვარდი”უფსკრულში. ავადმყოფობა ყველაზე პროდუქტიულ და წინსვლის ასაკში,სერიოზულ პირად ტრაგედიად მექცა. თავს გაუფრთხილდით ყველანი. მძიმე ვირუსული დაავადება ეტყობა პირდაპირ კავშირშია მეხსიერებასთან. ბევრისგან გავიგე ახლა.. მეხსიერებაზე “დამერხაო”. ჩემს შოკს არავის ვუსურვებ.”
კომენტარები