კორონავირუსით გარდაცვლილი 24-ე პაციენტი თბილისის ინფექციურ საავადმყოფოში გადიოდა მკურნალობას. მას 18 აგვისტოს გამოუვლინდა ინფექცია.
ვირუსის გარდა, პაციენტს ჰქონდა ძალიან მძიმე დაავადებები – ახალი გაკეთებული ჰქონდა ხორხის კიბოს ოპერაცია. ინფექციურ საავადმყოფოში მოთავსებისას აღენიშნებოდა ორმხრივი პნევმონია, ანემია, მარჯვენა ფილტვის ქვედაწილოვანი თრომბო-ემბოლია.
ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის ინფორმაციით, პაციენტს მძიმე ფონური დაავადებები ჰქონდა.
„დღეს, დილის 8 საათზე ჩვენთან გარდაიცვალა ერთი პაციენტი, რომელიც კლინიკაში შემოიყვანეს 18 აგვისტოს. ის იყო ხორხის კიბოს გამო ახალი ნაოპერაციები, თავიდანვე ორმხრივი პნევმონია ჰქონდა, ანემია, მარჯვენა ფილტვის ქვედა წილოვანი თრემბოემბოლია, მისი მდგომარეობა კორონავირუსის მხრივ გაუმჯობესდა, იმიტომ რომ უკვე 3 და 4 სექტემებრს უარყოფითი იყო ორჯერადი დატესტვით, შემდეგ 11 სექტემბერსაც იყო უარყოფითი. მისი მძიმე ფონური დაავადებების გამო, პაციენტის გამოყვანა ვერ მოხერხდა და დილით 8 სააათზე გარდაიცვალა“, – განაცხადა მარინა ენდელაძემ.
საქართველოში კორონავირუსით კიდევ ერთი, 25-ე პაციენტი გარდაიცვალა.
ამ დროისთვის უცნობია დეტალები, თუ რა ასაკისაა გარდაცვლილი პაციენტი და სად მკურნალობდა.
საქართველოში ჯამში, კორონავირუსით ინფიცირებული 25 პაციენტია გარდაცვლილი, ინფიცირების ლაბორატორიულად დადასტურებულ შემთხვევათა საერთო რაოდენობა კი 4 140-ს შეადგენს, გამოჯანმრთელდა 1 643 პაციენტი.
კომენტარები