ჩინეთის ქალაქ უხანში, 140-მდე ჰოსპიტალიზებული პაციენტის კვლევამ ახალ კორონავისუსთან დაკავშირებული რიგი სიმპტომები გამოავლინა. ამის შესახებ Business Insider-მა თავად კვლევაზე დაყრდნობით დაწერა.
უხანის უნივერსიტეტთან არსებული ჩჟუნანის საავადმყოფოს მკვლევარების თქმით, ყველაზე მეტად გავრცელებული სიმპტომია ცხელება, რომელიც გამოკვლეულთა 99% დაუფიქსირდა.
სხვა საერთო სიმპტომები მოიცავს მოთენთილობას და მშრალ ხველას, რომელიც კვლევაში მონაწილე პაციენტების ნახევარზე მეტს დაუფიქსირდა. დაახლოებით მესამედს კი ასევე აწუხებდა კუნთების ტკივილი და გართულებული სუნთქვა, მართალია პაციენტებს პირველი სიმპტომების გაჩენიდან დაახლოებით ხუთი დღე სჭირდებოდათ სუნთქვის პრობლემების დაწყებამდე.
გაციებასთან დაკავშირებული სხვა სიმპტომები, როგორიცაა თავის ან ყელის ტკივილი, დაფიქსირდა მხოლოდ მცირე შეთხვევებში.
გარდა ამისა, კვლევამ აჩვენა, რომ პაციენტები, რომლებიც ინტენსიური თერაპიის განყოფილებაში აღმოჩნდნენ, უჩიოდნენ მუცლის ტკივილს და მადის დაკარგვას, კორონავირუსის უფრო მსუბუქი შემთხვევების მქონე პაციენტებისგან განსხვავებით.
მკვლევარებმა ასევე აღნიშნეს რამდენიმე ადრეული „არატიპური“ სიმპტომი: მათ აღმოაჩინეთ, რომ 14 პაციენტს დიარეა და გულისრევა განუვითარდათ ერთი-ორი დღით ადრე მანამდე, რაც ტემპერატურამ აუწიათ ან სუნთქვა გაურთულდათ. ეს ასევე შესაძლოა იყოს ვირუსის გავრცელების გზა.
მაგალითად, ერთ-ერთი ადამიანი ასეთი არატიპური სიმპტომებით ქირურგიულ განყოფილებაში მოხვდა და მინიმუმ ოთხი სხვა ჰოსპიტალიზებული პაციენტი დააინფიცირა. ოთხივეს გაუჩნდა ისეთივე ატიპური სიმპტომები.
140 პაციენტიდან, რომლებიც ჩჟუნანის საავადმყოფოში კვლევაში მონაწილეობდა, თითქმის თითქმის 30% ჯანდაცვის სფეროს წარმომადგენელი იყო.
მეცნიერები დღემდე თვლიან, რომ კორონავირუსი ძირითადად ჰაერწვეთოვანი გზით გადაეცემა.
წყარო – ეტალონი
კომენტარები