პარტია „ქართული ოცნების“ თავმჯდომარემ, ირაკლი კობახიძემ განაცხადა:
“დავით კეზერაშვილი რომ მძარცველია, აბსოლუტურად ყველამ იცის.
ეს არაა უდანაშაულობის პრეზუმფციის დარღვევა, ეს არის პოლიტიკური განცხადება, გამომდინარე იმ ცოდნიდან, რაც ქართულ საზოგადოებას აქვს კეზერაშვილთან დაკავშირებით. კაცი იყო მინისტრი, უცბად გახდა ბიზნესმენი და ლამის მილიარდელი ბიზნესმენი. ის, რომ მძარცველია, იცის სრულიად საქართველომ“
“ალიამ” კობახიძის ნათქვამი გადაამოწმა ადვოკატ გურამ კონტუაძესთან და ვკითხეთ მას, პოლიტიკური განცხადებების დროს წაყენებული ბრალდებები, სასამართლო გადაწყვეტილების გარეშე, არღვევს, თუ არა უდანაშაულობის პრეზუმციას?
გურამ კონტუაძე:
“პოლიტიკოსს მოეთხოვება არ დაარღვიოს არავის უდანაშაულობის პრეზუმფცია, განსაკუთრებით პოლიტიკური განცხადებების დროს. ზოგადად, მიჩნეულია, რომ პოლიტიკოსმა არ უნდა გააკეთოს განცხადებები სისხლის სამართლის დანაშაულის ნიშნებზე სასამართლო გადაწყვეტილების გარეშე, თუნდაც იმიტომ რომ არ მოახდინოს სასამართლოზე ზეგავლენა – ასეთი განცხადებების დროს, აღმასრულებელი ხელისუფლება იჭრება სასამართლოს კონპეტენციაში.”
როგორც ჩანს, ირაკლი კობახიძეს თავისი კანონები აქვს, პრინციპში, არცაა გასაკვირი, ასეთი “კანონებით” იმართება წლებია ქვეყანა – ბრალს სდებენ, უდანაშაულობის პრეზუმფციას არღვევენ, საქმე კი სასამართლომდეც ვერ მიჰყავთ უმეტეს შემთხვევაში.
ანალოგიურად, “ქართული ოცნების” ჩინოვნიკებიდან ვინც ბიზნესმენი გახდა და ფული იშოვა, ყველა მძარცველია, ხო – კარგი, ბატონო ირაკლი, გასაგებია, მადლობა აღიარებისთვის.
კომენტარები