“კობახიძემ ივანიშვილის ადვოკატობას თავი დაანებოს და ხალხს აუხსნას, მომავალ არჩევნებამდე „გადააგდეს“, თუ სამუდამოდ?” – ამის შესახებ განცხადება “ტრიბუნას” ლიდერმა დავით ჭიჭინაძემ გააკეთა.
ჭიჭინაძე ქვეყანაში არსებულ მძიმე სოციალურ-ეკონომიკურ მდგომარეობაზე საუბრობს და ხელისუფლებას უმოქმედობაში ადანაშაულებს.
საქართველოში სოციალური აფეთქება არასოდეს მომხდარა, ჩვენში შიმშილის გამო ხალხი ქუჩაში არასოდეს გამოსულა, მაგრამ საკუთარ ოჯახებს, შვილებს რომ დასჭირდება გადარჩენა, თავგანწირვის მეტი აღარაფერი რჩება, რაც სამწუხაროდ უკვე მოხდა, თან წინ აბსოლუტურად გაურკვეველი მომავალია.
ამიტომ, კობახიძემ ივანიშვილის ადვოკატობას თავი დაანებოს, ისედაც ვიცით, რომ ეს მისი ძირითადი ფუნქციაა და სჯობს, ხალხს აუხსნას, თუნდაც, საკმაოდ თბილი დეკემბრის პირობებში, რატომ არის გაზის გადასახადი ასე კატასტროფულად გაზრდილი?! მას მერე ხომ არ გაიზარდა გადასახადები 20 %-ით, რაც კალაძის ინტერესები გაჩნდა „თბილისი ენერჯიში“?!
სოციალურ აგენტებსაც აუხსნან, მომავალ არჩევნებამდე „გადააგდეს“, თუ სამუდამოდ? არადა, სწორედ მათ ასრულებინებდნენ კონკრეტულ დავალებებს არჩევნებზე და ახლა აღარ სჭირდებათ და მოისროლეს?! არც დევნილების პრობლემა დაწყებულა დღეს, მაგრამ საშინელ ტრაგედიამდე კი მივედით. მთელ ამ უბედურებაში კი, ხელისუფლებას მხოლოდ ოპოზიციის აქტიურობა და ერთმანეთთან კავშირი აღელვებს. ამიტომ დიდი ეჭვი მაქვს, ბოლოს საკანონმდებლო დონეზე აკრძალავენ ოპოზიციის არსებობას და ამასაც კობახიძე შეეცდება ითავოს, ესეც მისი ფუნქციებიდანაა და ამიტომ”, – განაცხადა ჭიჭინაძემ.
კომენტარები