ტელეჟურნალისტი არჩილ გამზარდია შვეიცარიული ბანკის მიერ ბიძინა ივანიშვილისთვის თანხების გადარიცხვის შეფერხებასა და ირაკლი კობახიძის დღევანდელ განცხადებას ამაზე, სოციალურ ქსელში ეხიანება და წერს :
“ისევ ჩემს თეორიას მივუბრუნდები, რომელსაც ჩემს გარდა არავინ იზიარებს, მაგრამ მაინც დავწერ, რომ ირაკლი კობახიძე ბევრად სერიოზული მოთამაშეა, ვიდრე აღიქვამენ.
მას აწყობილი აქვს ძალაუფლების შენარჩუნების სისტემა, რომელსაც დღემდე წარმატებულად იყენებს, მეტიც, ბიძინას განეიტრალებაც კია კობახიძის ინტერესში, რადგან ბიძინა აღარ არის მთავარი ფაქტორი “ქართული ოცნების” გამარჯვებისა თუ ხელისუფლების შენარჩუნების სხვა ხერხებისა.
ირაკლი კობახიძის დღევანდელი განცხადებაც ბიძინა ივანიშვილის წინააღმდეგ უფროა მიმართული, რაც, პარადოქსული შეიძლება მოგეჩვენოთ, მაგრამ კობახიძის ინტერესშია ბიძინას მაქსინალური მომწყვდევა კუთხეში.
ირაკლი კობახიძე საკუთარ ძალაუფლებაზე მუშაობს და სანამ მას ვერავინ ამჩნევს და არავინ იღებს მიზანში, უპრობლემოდ და პრაქტიკულად, ბარიერების გარეშე მოქმედებს.
შესაძლოა, ჩემი ლოგიკა ზედმეტად აღიარებს კობახიძის მნიშვნელობას, მაგრამ, სულ ცოტა, ის ბევრად მნიშვნელოვანი მოთამაშეა, ვიდრე თავს აჩვენებს.”
კომენტარები