აშშ-ში მცხოვრები ტელენევროლოგი, დავით მრელაშვილი, აქვეყნებს ფოტოებს და წერს:
“კლასიკური მაგალითი იმისა თუ რატომ არ უნდა დავიჯეროთ და გავავრცელოთ ინტერნეტში არსებული ყველა “სენსაციური” სიახლე, თუნდაც ისეთი გავლენიანი წყაროდან როგორიცაა CNN (განსაკუთრებით ჟურნალისტების საყურადღებოთ რომლებიც საუკეთესო შემთხვევაში – სიტყვასიტყვით, ყოველივე “წესების დაცვით” პირდაპირ თარგმნიან უცხოურ მედიაში გამოქვეყნებულ ინფორმაციას).
სი-ენ-ენის სტატიის სათაური კითხვის ნიშნის ქვეშ აყენებს ჩინური ვაქცინების ეფექტურობას, და ამბობს რომ ეს იყო “vaccination failure” (ჩავარდნა, ვერ დაიცვა კორონასგან ჩინურმა ვაქცინებმა). ამის ნივთმტკიცებულებად ასახელებს იმას რომ ტაილანდში ნახევარ მილიონზე მეტი სამედიცინო მუშაკის (ყველაზე მაღალი რისკ ჯგუფი გადადების მხრივ) აცრის შედეგად 0.1 %-ზე ნაკლებს შეხვდა კოვიდი. მძიმე ფორმა შეხვდა მხოლოდ ორ ადამიანს და აქედან მხოლოდ ერთი გარდაიცვალა.
ვცდილობ რომ რაიმე ლოგიკით ავხსნა და გავიგო – რატომ დაარქვეს vaqcinnation failure 677,000 აცრილიდან (რაც მთელი იმერეთის და გურიის მოსახლეობაზე ერთად აღებულზე მეტია), მხოლოდ ერთი ადამიანის გარდაცვალებას, და ვერაფრით ვერ ვხვდები. იქნებ ჩემმა კოლეგებმა დაინახონ რამე რაც მე ვერ გავიგე სწორად (ორიგინალი სტატია აქ არის: https://cnn.it/3hPvvw5 ).
კაპიტალისტური ქვეყნის (აშშ) სააქციო ბირჟაზე არსებული კომპანიების მარკეტინგი (და კონკურენტების დაძირვა) ყოველთვის სჯობდა სოციალისტური ქვეყნის (ჩინეთი) ანალოგებს, თუმცა ამჯერად ამ მარკეტინგის და ბირჟის აქციების წარმატება საქართველოს მრავალი მოქალაქის სიცოცხლე უჯდება…
#მერვეკლასისმათემატიკაგადაგვარჩენს“
