„ქართული მარშის“ წევრი მიხეილ ამისულაშვილი სოციალურ ქსელში ავრცელებს ფოტოს და ამტკიცებს, რომ ფოტოზე გამოსახულია ქართული ოცნების დეპუტატი, ირაკლი ქადაგიშვილი:
“კიტოვანის ხუნტის ჯალათი – ქართული ოცნების დეპუტატი და ერთ-ერთი ლიდერი ირაკლი ქადაგიშვილი
ფოტო გადაღებულია სამხედრო-კრიმინალური გადატრიალების დროს, როდესაც ქადაგიშვილი ავტომატს ესროდა ზვიად გამსახურდიას კანონიერ ხელისუფლებას
1992 წელს ქადაგიშვილი გია ჭანტურიასთან ერთად პირადად აწამებდა ე.წ.ზვიადისტებს ხონის შტაბში და მონაწილეობას იღებდა სამეგრელოს აწიოკებაში“
![](https://www.alia.ge/wp-content/uploads/2021/10/qadag1-655x1024.jpg)
საქართველოს პარლამენტის ეროვნული ბიბლიოთეკის მონაცემის მიხედვით, ქადაგიშვილის კარიერა ასე გამოიყურება:
“1991-1992წწ. სახელმწიფო საბჭო, საორგანიზაციო განყოფილების უფროსი; 1992 წელს საქართველოს მე-3 მოწვევის პარლამენტის წევრი, საარჩევნო ბლოკი: “პოლიტიკური ორგანიზაცია – ეროვნულ-დემოკრატიული პარტია (ედპ)”, საარჩევნო ფორმა: პარტიული სიით; 1992-1993წწ. საქართველოს საბაჟო კომიტეტის თავმჯდომარე; 2005-2010წწ. საქართველოს კათოლიკოს-პატრიარქის ფონდის გენერალური მენეჯერი; 2016-2020წწ. სახელმწიფო რწმუნებული – გუბერნატორი კახეთში; 2020 წლიდან საქართველოს მე-10 მოწვევის პარლამენტის წევრი, საარჩევნო ბლოკი: “ქართული ოცნება – დემოკრატიული საქართველო”, საარჩევნო ფორმა: მაჟორიტარული, მაჟორიტარი №10 მაჟორიტარული საარჩევნო ოლქიდან.”
კომენტარები