ევროკავშირის ელჩი საქართველოში კარლ ჰარცელი აცხადებს, რომ ჯანდაცვის სამინისტროზე განხორციელებული კიბერშეტევა, რომელიც ლუგარის ლაბორატორიის მონაცემთა ბაზებიდან სამედიცინო დოკუმენტების მართლსაწინააღმდეგო დაუფლებას და გამოყენებას ისახავდა მიზნად, შემაშფოთებელია. მისივე განცხადებით, ევროკავშირი დაინტერესებულია გაირკვეს, თუ ვინ დგას ამ თავდასხმის უკან.
“შემაშფოთებელი იყო გუშინ განხორციელებული, კიბერთავდასხმა. ეს არ არის პირველი შემთხვევა ბოლო თვეების განმავლობაში, როდესაც კიბერშეტევა მოხდა საქართველოს ტერიტორიაზე. ევროკავშირი დაინტერესებულია, რომ გაირკვეს თუ ვინ დგას ამ თავდასხმის უკან. სხვა განცხადების გაკეთებამდე დაველოდები ვიდრე სიტუაცია კიდევ უფრო ნათელი არ გახდება. ეს კიბერთავდასხმა გვახსენებს ძალიან მნიშვნელოვან ასპექტს, განსაკუთრებით არჩევნებამდე რამდენიმე კვირით ადრე, რომ არსებობს რისკები მსგავსი თავდასხმების განმეორების. მნიშვნელოვანია ფხიზლად ვიყოთ”
კომენტარები