“ხაჩიროვის არც გარდაცვალების მიზეზია სწორი და არც ადგილი… და თუ გიხარიათ როგორც ტატუნაშვილის მკვლელის სიკვდილი – ტყუილად გიხარიათ…” – მეარაყიშვილი

ოკუპირებულ ახალგორში მცხოვრები სამოქალაქო აქტივისტი თამარ მეარაყიშვილი:

“ორი დღეა ვკითხულობ ქართული მედიით გავრცელებულ სიახლეს ფილიპ ხაჩიროვის გარდაცვალების შესახებ. ის მოხსენიებულია, როგორც არჩილ ტატუნაშვილის მკვლელი…

საქართველოს პროკურატურა აწარმოებდა გამოძიებას და ორ ადამიანზე საერთაშორისო ძებნაც კია გამოცხადებული. მათზე, ვინც ტატუნაშვილი მეგობრებთან ერთად დააკავა. სხვათაშორის ამ ორს მცხეთის სასამართლოს მიერ დაუსწრებლად მუდმივი პატიმრობა აქვს მისჯილი, რაც გადაჭარბებულია მხოლოდ დაკავების გამო- მათ მხოლოდ დააკავეს. ხაჩიროვის გვარი არსად წერია ქართულ გამოძიებაში. ქართულმა გამოძიებამ რატომ წაიყვანა საქმე ასე, მათ დაუსვით კითხვა.მისი გვარი როგორც “მკვლელის” აქედან გაავრცელა გარკვეული ადამიანების ჯგუფმა ხაჩიროვთან პირადი დაპირისპირების გამო…

მაგალითად, ჩემი გატაცება, დაპატიმრება და დევნა მისი მმართველობის პერიოდს უკავშირდება და ამასთან მას არანაირი შეხება არ ჰქონია, სურვილის დონეზეც კი- ის არ იყო ისეთი გავლენების მქონე, რომ მას ძალოვანები დამორჩილებოდნენ. ასევე – არც ხაჩიროვის გარდაცვალების მიზეზია სწორი და არც ადგილი… თუ მხოლოდ ადამიანის სიკვდილია სასიხარულო, ვერაფერს ვიტყვი. თუ გიხარიათ როგორც ტატუნაშვილის მკვლელის სიკვდილი – ტყუილად გიხარიათ…ტოტალური მოსმენების გამოააშკარავების ფონზე, ვფიქრობ სუს ს მეტი ეცოდინება, მაგრამ ალბათ ის ვერსიები აწყობთ რაც აქამდე ვრცელდება. რატომ?- ბევრი მიზეზი შეიძლება იყოს…”