ნაციონალური მოძრაობის ყოფილი თავმჯდომარე, ნიკა მელია, ტვ პირველთან ამბობს:
მე მიმაჩნია, რომ ბიძინა ივანიშვილის წინააღმდეგ ბრძოლა, გამარჯვებით შეიძლება დასრულდეს მხოლოდ მაშინ, როცა შენ მხარეს იქნება წელში გამართული სიმართლე და არა მტკივნეული წარსული კეზერაშვილ–მერაბიშვილის სახით. მე მაქვს ჩემი სიმართლე – ვიცი რა ბრძოლაში შემოვედი. ვერავინ პირში წყალს ვერ დამიგუბებდა, რომ არ მელაპარაკა სიმართლე. ვისაუბრე და ვისაუბრებ, როდესაც ადამიანებს პარტიიდან ყრიან.
მე ზნეობრივ და მორალურ კომპრომისზე რომ წავსულიყავი, ქართული ოცნების მსგავსი მოდელის პარტიაში რომ მდომოდა ბრძოლა, 2013 წელს, ოპოზიციაში მყოფ ნაციონალურ მოძრაობას ხომ არ შევუერთდებოდი? დღეს ჩემთვის კეზერაშვილი, მერაბიშვილი და ივანიშვილი, რა თვალსაზრისით გვანან იცით ერთმანეთს? ზღვარი წაშლილია – არც ერთი არ ცდილობს ხალხის ინტერესი გაითვალისწნოს პოლიტიკაში, მათ აქვთ ფული, ამ ფულის საპატრონებლად, მოსავლელად, სჭირდებათ პოლიტიკა, პოლიტიკისთვის კი არ სჭირდებათ ფული.
პარტიის წევრებს კითხონ, პარტიის ამომჩევლებს, ნიკა მელიას არა – ვინ არის მერაბიშვილი, ვინ არის კეზერაშვილი. 2003 წლიდან, ბევრი შეცდომების კვალდაკვალ ბევრი კარგი საქმე გაკეთდა, მაგრამ როდესაც მძიმე შეცდომებია დაშვებული, ჭკვიანი ხალხი ამ შეცდომებს ითვალისწინებს, ეს პარტია არ შექნილა ფულის საკეთებლად და გარიგებებისთვის.
ევროპა დეკლარაციის დონეზე კი არ უნდა გინდოდეს, მართლა უნდა გინდოდეს, როდესაც ბედავ საკუთარი თანამებრძოლეების წინააღმდეგ ამის გაკეთებას, უსწორდები შენ თანამებრძოლებს, უღირსობა ის იქნებოდა, სიმართლე რომ არ გვეთქვა. ამ ყველაფერმა გამოიწვია კრიზისი. მიხეილ სააკაშვილსაც მინდა ვუთხრა, იმან კი არ გამოიწვია კრიზისი, რომ მე დავმარცხდი, კრიზისი გამოიწვია იმან, 5 დღეში რომ ყველა გაგვყარეს.
კეზერაშვილის და მერაბიშვილის ძალისხმევით მიხეილ სააკაშვილის პატიმრობა მხოლოდ გახანგრძლივდება, ისინი მას ვერ დაიხსნიან იქედან.
ნაციონალური მოძრაობის უამრავი წევრია იმ პოზიციაზე, რა პოზიციაზეც მე ვარ ახლა!
კომენტარები