ნაციონალური მოძრაობის ყოფილი თავმჯდომარე, ნიკა მელია, ტვ პირველთან, სააკაშვილის დღევანდელ განცხადებას ეხმაურება და ჟურნალისტ, დიანა ტრაპაიძის კითხვას, რა პასუხს გასცემს სააკაშვილს, რომელმაც კარისკენ მიუთითა, ასე პასუხობს:
ჩემი გეგმები არ იცვლება, თანამოაზრეებთან ერთად, განვაცხადე, რომ რამდენიმე ქალაქში მაქვს შეხვედრა და ამის შემდეგ საბოლოო გადაწყვეტილება მიიღება.
ფაქტობრივი უზუსტობები ხშირად მოსაზრებებს აზრს და ლოგიკას უკარგავს. როდესაც საუბარია, რომ პარტია არ უნდა ვლანძღოთ, ჩემთვის კეზერაშვილის, მერაბიშვილის, როგორც არაფორმალური მმართველების კრიტიკა არ არის ლანძღვა,
პარტია დღეს არის კეზერაშვილ–მერაბიშვილი და არ ვაპირებ თვალში ნაცარი შევიყარო. დღეს პარტია არის მიტაცებული. პირველივე წამებიდან გახლიჩეს პარტია. მიუხედავად იმისა, რაც იკადრეს, გამოვედი და მივულოცე მხარდაჭერა კეზერაშვილ–მერაბიშვილის ხმარდაჭერილ პარტიას და მილოცვიდან 5დღეში, უამრავი ადამიანი გარიცხეს, 300 თანამოაზრე შეკრიბეს და გარიცხეს ათობით ადამიანი პოლიტიკური საბჭოდან, მათ შორის მეც. ამ საკითხზე დუმილი ნამდვილად მეკრძალებოდა. ვინმეს ჰქონდა იმედი აბუჩადაგდებულ თანამებრძოლებზე ხმას არ გავიღებდი? ამ უნამუსობაზე თვალი უნდა დამეხუჭა?
სანამ მიხეილ სააკაშვილი არის ტყვე, მე მასთან დებატებში რა უფლება მაქვს შევიდე? მაგრამ ჩემთვის სიმართლე არის უზენაესი.
ჩემი პასუხია, რომ კეზერაშვილი და მერაბიშვილი არ არის ჩემთვის პარტია, ჩემთვის სიმართლე არის ერთი, ის ხალხია პარტია, თანამოაზრეები, რას ნიშნავს სააკაშვილი მეუბნება, არ შეიძლება შეცდომაში იყოს შეყვანილი დატყვევებული ადამიანი? მე არ მივეკუთვნები იმათ კატეგორიას, რომლებიც, ქვეყნის წინაშე დიდი დამსახურების ადამიანს, მიხეილ სააკაშვილს, ყველაფერში დაეთანხმებოდა. აუცილებელია ყველა მოსაზრებაში დავეთანხმო? ამ გადაწყვეტილებას მე მივიღებ, ინდივიდუალურად, მაქვს ამის მორალური უფლება. მივიღებ იმ გადაწყვეტილებას, რომელსაც მე ჩავთვლი საჭიროდ. არ არსებობს ძალა, რომელიც მე აზრს შემაცვლევინებს და მათქმევინებს, რომ დღეს პარტიაში არაფორმალური მმართველობა არ არის.
თუ შიგნიდან გინდა პარტიის ლანძღვა, სჯობს, გახვიდე, ღმერთმა ხელი მოგიმართოს – სააკაშვილი
კომენტარები