“მარტო კალაძის მოტეხილ-მოპარულ და მისთვის სახელმწიფოს მიერ ნაჩუქარი ფულით ვუყიდდით, საშუალოდ, 3750 დევნილ ოჯახს ბინასმ” – ამის შესახებ სოციალურ ქსელში წერს ნაციონალური მოძრაობის წევრი გიორგი კაპანაძე.
მისი თქმით, კალაძეს სახელმწიფოს მიმართ 70 მილიონი ლარის დავალიანება ჰქონდა, რომელიც “ქართულმა ოცნებამ” აპატია.
“მარტო კალაძის მოტეხილ-მოპარულ და მისთვის სახელმწიფოს მიერ ნაჩუქარი ფულით ვუყიდდით, საშუალოდ, 3750 დევნილ ოჯახს ბინას.
ასე მაგალითად: კალაძეს, სახელმწიფოს მიმართ ჰქონდა 70 მილიონი ლარის დავალიანება (არსენალის მთა), რომელიც მას, ხელისუფლების ცვლილების შემდეგ, ქართულმა ოცნებამ აპატია.
თბილგაზსს, სახელმწიფოს მიმართ ჰქონდა 80 მილიონი ლარის დავალიანება, რომელიც მას შემდეგ, რაც ეს კომპანია კალაძემ და მისმა ბიზნეს-პარტნიორმა ოფშორიდან იყიდეს, სახელმწიფომ მათ ეს ფული აჩუქა/გაუნულა.
კალაძემ და მისმა გარემოცვამ ავტობუსების ტენდერიდან მოტეხეს 60 მილიონი ლარი.
ენერგეტიკის მინისტრობის დროს, კალაძემ, “ინტერ რაოს” მიმართ შეუსრულებელი ვალდებულებების გამო, სტოკჰოლმის საარბიტრაჟო სასამართლოს გადაწყვეტილების თანახმად, საქართველო 240 მილიონი ლარით (80 მილიონი დოლარით) აზარალა. შესაბამისად, გამოდის რომ ამ წლების განმავლობაში, მხოლოდ აქ ჩამოთვლილი ციფრებით, კალაძემ, საქართველოს მიაყენა 450 მილიონი ლარის ზარალი, რაც 150 მილიონი დოლარია,” – წერს გიორგი კაპანაძე.
ცნობისთვის, დევნილები, რომლებიც სასტუმრო “ქართლის” შენობაში ცხოვრობენ ამბობენ, რომ დროებითი თავშესაფარი, სადაც ისინი ამჟამად იმყოფებიან, ავარიულია და იქ ცხოვრება შეუძლებელია. მათივე თქმით, კორპუსი, სადაც 150 დევნილი ცხოვრობს, თითქმის მთლიანად ჩამოიშალა, არ არის არანაირი საყოფაცხოვრებო და სანიტარული პირობები.
სწორედ აღნიშნულთან დაკავშირებით თემქაზე დევნილები რამდენიმე დღეა, რაც აქციას მართავენ და მთავრობას ბინებით დაკმაყოფილებას სთხოვენ.
კომენტარები