“ოცნებისთვის” კალაძის ბანერი უფრო მნიშვნელოვანია, ვიდრე გელათის ფრესკები” – სალომე სიმონია

სამოქალაქო აქტივისტი, სალომე სიმონია, გელათის ფრესკების ფოტოებს აქვეყნებს და წერს:

აღმოჩნდა, რომ ოცნებისთვის კალაძის ბანერი უფრო მნიშვნელოვანია, ვიდრე გელათის ფრესკები.

თორემ ელენე ხოშტარიას კი არ დაიჭერდნენ ამ ბანერზე გაკეთებული ნაჯღაბნის გამო.

არამედ, თეა წულუკიანის საკითხს დააყენებდნენ გელათის ფრესკების დაზიანებისთვის.

საპატრიარქოს მიერ მოწვეული ექსპერტების ანგარიშს ოცნება დიდი ხანი საგულდაგულოდ მალავდა.

სადაც ეწერა, რომ კედლის მხატვრობის დაზიანება აქტიური და მძიმე იყო მისი მინისტრობის პერიოდში.

მსოფლიოში აღიარებული მეცნიერები შემაშფოთებელს უწოდებდნენ იმ გეგმას, რასაც წულუკიანის მიერ დაქირავებული რესტავრატორთა ჯგუფი ახორციელებდა.

რამაც საბოლოოდ კიდევ უფრო დააზიანა გელათის უმნიშვნელოვანესი ფრესკები.

რა გასაკვირია, უსამართლოდ დაპატიმრებული 4 შვილის დედის ჯანმრთელობის გაუარესებას გულგრილად რომ ვუყურებთ,

როცა გელათის განადგურებას შევხვდით მშვიდად და დღემდე არც კი გვადარდებს, არც კი ვიმჩნევთ.

მთავარია, ქეიფის დროს ვამბობთ სამშობლოს, ქრისტიანობის, ქართველი ქალისა და დედის სადღეგრძელოს.