“ივანიშვილს იმედი აქვს, მელია შეცდომას დაუშვებს, აქ შევარდება, იქ შევარდება… დავიშალოთ, დავუბრუნდეთ, ჩვენ-ჩვენ სახლებს” – ნიკა მელია

“ენმ”-ს თავმჯდომარე, ნიკა მელია, აქციაზე შეკრებილ ადამიანებს მიმართავს:

“დიდი აქციების კულმინაცია ყველაზე რთული მომენტია. ყოველთვის გამოინახება ვინც იტყვის, რამდენი შევიკრიბეთ, სად მივდივართ, იქ წავიდეთ, აქ წავიდეთ. ჩვენ გვაქვს დიდი პასუხისმგებლობა და ზუსტად ვიცი დღეს რა მოხდა, მოხდა ის, რაც არ მომხდარა არასოდეს, გადაივსო თავისუფლების მოედანი და რუსთაველის გამზირი. ჩვენ ვართ მორალურად გაძლიერებულები და გამარჯვება რამდენიმე დღეში გავიფორმოთ. არ გავატანოთ წყალს ყველაზე ძვირფასი რაც გვაქვს, ჩვენი წელში გამართულობა, ზნეობრივი და მორალური პოზიცია. რასაც ივანიშვილი ელოდებოდა და ჩასაფრებული იყო, ჯერ ელოდებოდა, რომ არ შევიკრიბებოდით ამდენნი, ახლა მეორე იმედი აქვს, რომ აბა, იქნება, ნიკა მელიას შეცდომა დავაშვებინო და აქ შევარდეს, იქ შევარდეს. არაფერი შესავარდნი არა გვაქვს, გველოდება 30 ოქტომბერს გამარჯვება და სააკაშვილიც გათავისუფლდება. როგორც შევიკრიბეთ, აი, ასე მტკიცედ, ურყევად… განვიცდიდი, ზუსტად ვიცოდი, რა ექნებოდა ფასი იმისა, თუ თავისუფლების მოედანსა და რუსთაველის გამზირს შევავსებდით… ახლა ენერგიაგაათკეცებულები ვართ, დავიშალოთ, დავუბრუნდეთ, ჩვენ-ჩვენ სახლებს, ოჯახებს და მოვემზადოთ 30 ოქტომბრისთვის და 30 ოქტომბრის მერე რას გავაკეთებთ და როგორ, კომუნიკაცია გვექნება.”