სასჯელაღსრულების მე 18-ე დაწესებულების ბინადარი პატიმრების მიხეილ სააკაშვილის მისამართით წარმოებული შეურაცხყოფის საპასუხოდ ჟურნალისტმა ნანუკა ჟორჟოლიანმა გლდანის ციხესთან საქართველოს ჰიმნი ჩართო. ციხის უსაფრთხოების სამსახურის წარმომადგენელმა მას ჰიმნის გამორთვა და ტერიტორიის დატოვება მოსთხოვა.
დაცვის თანამშრომელის განცხადებით, ნანუკა ჟორჟოლიანმა კანონი დაარღვია.
შეწყვიტეთ, თქვენ კანონს არღვევთ, ნუ მაიძულებთ, გამოვიძახო პატრული და აპარატურა ავაღებინო! – მიმართა ნანუკა ჟორჟოლიანს ციხის დაცვის თანამშრომელმა.
ნანუკა ჟორჟოლიანი:
თურმე მე ვარღვევ კანონს, როცა საქართველოს ჰიმნს ვაჟღერებ, ნებისმიერ ადგილას შეიძლება ჩვენი ქვეყნის ჰიმნის გაღერება, საქართველოს ჰიმნს აჩერებენ ამ ქვეყანაში, მაგრამ პატიმრებს გინებას არ უკრძალავენ. ეს პატიმრები საქართველოს ჰიმნსაც აგინებენ, აი ასეთ ქვეყანაში ვცხოვრობთ დღეს. დღეს ეს ჩემი საპროტესტო აქცია იყო პასუხი ყველა იმ პატიმარს, ვინც გაბედა და სუს-ის დავალებით საქართველოს მესამე პრეზიდენტს აგინა. იმათ კი არ აჩერებენ, მაგრამ ამ ქვეყანაში ჰიმნს აჩერებენ.
ივანიშვილს მოსვენება არ ექნება. ისეთ ჯოჯოხეთში გაყო თავი, საკუთარი თავი დაიწყევლა მიხეილ სააკაშვილის აქ გადმოყვანით.
გლდანის ციხეში მიხეილ სააკაშვილზე ფსიქოლოგიური ზეწოლა გრძელდება. დილიდან ციხის პერიმეტრზე პერიოდულად მესამე პრეზიდენტის მისამართით გინება და შეურაცხოფელი გამონათქვამები ისმის.
კომენტარები