ყოფილი სახელმწიფო მინისტრი, ალექსი პეტრიაშვილი, “ტვ პირველთან” ამბობს:
“ვერავინ დაიჯერებს იმას, დედამიწის ზურგზე, რომ 53 ჟურნალისტის მიმართ ძალაოდბა იყო, რაღაც ერთი ჯგუფის მიერ… სიტუაციას ერთადერთი განმუხტავს ვადამდელი არჩევნების შედეგის მიღწევა.
მე შემიძლია ჩემი გამოცდილებით გითხრათ, რომ არც ღარიბაშვილს, არც ქართული ოცნების მოქმედ პოლიტსაბჭოს, არც ერთ მათგანს არ ჰკითხავს ღარიბაშვილის გათავისუფლებას, ისევე, როგორც არ ჰკითხავდა ღარიბაშვილის დანიშვნას. ივანიშვილის სქემაში დღეს, ხვალ და 2 ოქტომბრამდე არ ჯდება, არც ერთ ვარიანტში ღარიბაშვილის მოხსნა და ამ მოხსნას მე ვერ ვხედავ, გულწრფელად რომ გითხრათ. იმიტომ რომ, ეს ხაზი, რისი დემონტრირებაც მოახდინეს, ეს აგრესიული ძალები ირაკლი ღარიბაშვილთანაა ასოცირებული. მიუხედავად იმისა აშშ და ევროკავშირში ვის მოსწონს ღარიბაშვილი და ვის არ მოსწონს, გადაწყვეტილებას იღებს ბიძინა ივანიშვილი.
არ არის ახლა სახლში ჯდომის, ფეისბუქში ვიშვიშის და სამზარეულოებში ემოციების გამოხატვის დრო. თუ ადამიანები არ გამოვლენ, არ გამოთქვამენ თავის პროტესტს… ივანიშვილი ითვლის თავებს, აკეთებს რეაგირებას იმაზე, თუ რა რაოდენობის ადმიანები არიან საპროტესტო მუხტში ჩართულები. ყველამ კეთილი ინებოს, გამოვიდეს, დაუდგეს გვერდით ამ საპროტესტო მუხტს და იმ ტელევიზიებს, ვისი მაყურებლებიც არიან.”
კომენტარები